Ареал деп өсімдік түрлері немесе тұқымластарының жер бетінің белгілі бір аумақ бойынша орналасуы. Сондықтан ареал өсімдіктер географиясының өлшемі, объектісі, негізгі құралы деп түсінген жөн. Түр немесе тұқымдас бір ареалда, немесе бірнеше түр, тұқымдас (таксон) білесіп бір ареалда өмір сүруі мүмкін. Биогеографиялық аудандастыру, фауналық жəне флоралық аймақтарды бөліп көрсетуге жəне ареалдарды талдауға негізделеді. Биогеографияда зерттеудің басты нысаны түрдің таралу ареалы болып саналады, өйткені түр – тірі ағзалардың бастапқы жəне негізгі таксономиялық категориясы. Ареал – биологиялық түрдің маңызды географиялық сипаттамасы. Ареалдың қалыптасуы тірі ағзалардың эволюциялық процесі кезінде жəне қоршаған орта жағдайларына байланысты жүзеге асады.
