Құрғақ жапырақ тастайтын ормандар жылдық жауын-шашын мөлшері 800-1000 мм болғанда дамиды, айқын ксероморфты көрініске ие. Әдетте, ағаштар биік емес (10-12 м, кейбір түрлерінде 20-22 м). Ағаштардың тәждері пирамида тәрізді; бұтақтары жерден төмен басталады бұйра, орамалы,қисық формалы болып келеді. Ағаш түрлерінің бүршіктері құрғақшылықтан қорғалған, бұтақтар көбінесе қалың қабықпен жабылған. Эпифиттер мен лианалар аз. Африканың шығыс бөлігінде осындай орман түрі бұршақ тұқымдас түрлерден құралған «миомбо»,«мопане» ормандары таралған.
