ӘӨЖ 94(575+574) : 39 Қолжазба құқығында

- Шетелдегі қазақ диаспорасы мен ирредентінің қалыптасуы мен қоныстану тарихының кезеңдері айқындалды;

- Қазақстанмен шекаралас аудандардағы кейбір территориясы шетел қазақтарының ежелден тұрақтаған ата-мекені екендігі және шетелдің ұлттық-территориалдық шекарасын межелеудегі территориалдық даулардың себептерін көрсететін мұрағат деректері мен зерттеулер топталып, талданды.

- Жақын шетелдегі аумақтар бойынша қазақтардың рулық құрамы мен ондағы кейбір рулардың ежелгі тайпалармен сабақтастығы нақты деректермен негізделіп, шоғырланған орталықтары нақтыланды.

- ХІХ ғ. ІІ жартысынан қазірге дейінгі шетелдегі қазақтардың сандық құрамы, өзгерісі, жергілікті халықтардың санымен салыстырылып, демографиялық өсу, кему динамикасы статистикалық мәліметтер және әр кезеңдерде жүргізілген санақтар негізінде зерделенді;

- Қазақтардың дәстүрлі шаруашылық түрлері, ондағы дәстүрліліктің сақталуы мен дамуы және жергілікті халықтардың этноэкономикасымен ұқсастығы сараланып, өзара ықпалдылық негізінде қабылдаған шаруашылықтағы кейбір еңбек бейімделігінің ерекшеліктері көрсетілді;

- Отандық және шетелдік ғалымдарының зерттеулері негізінде қазақтардың заттай мәдениетінде ұлттық болмысымызды айқындайтын дәстүрлі элементтердің сақталуы мен бөгде ортаның ықпалдастығы нәтижесінде қазақ тұрмысына этноэволюциялық жолмен енген заттай мәдениет белгілері: баспана, киім, тағамындағы ерекшеліктер айқындалды;

- Статистикалық және баспасөз материалдар негізінде қазіргі кезеңдегі шетел елдеріндегі қазақтардың тарихи Отанға оралуының негізгі саяси-әлеуметтік себептері мен орналасу аймақтары және төл ортаға бейімделу проблемалары көрсетілді.