Брюссель орамжапырағы ұзындығы 1,5 м сабағы бойымен орналасқан майда қаудандардан тұрады. Орамжапырақта ақуыз, минералды заттар, С дәрумені көп мөлшерде болады. Кең тараған сұрыптары: Геркулес, Эрфрутский, Витаминная.
Гүлді орамжапырақтың (цветная капуста) тағамға ақ түсті жетілмеген гүлдері қолданылады, құрамында жасұнық аз, ал толық құнды ақуыздар (2,5%) мен дәрумендер көп. Кең тараған сұрыптары: Москвичка, Грибовская ранняя, Урожайная, Скороспелка. Гүлді орамжапырақтың жақсы сұрыптарының тығыз, бүтін, крем реңді ақ түсті бастары бар.
Кольраби ерте пісетін көкөністерге жатады. Жеуге жарамды бөлігі домалақ немесе овал пішінді, ашық жасыл немесе күлгін көк түсті жетілген тамыржемісі болып табылады. Дәмі бойынша ақ қауданды орамжапырақтың өзекшесінің дәміне ұқсайды, бірақ нәзік консистенциялы. Кең тараған сұрыптары: Венская белая, Голиаф.
