"фараби əлемі" атты халықаралық ғылыми конференция материалдары
жүктеу/скачать 2,79 Mb. Pdf көрінісі
|
thesis114326
|
ЖҮКТІ ӘЙЕЛДЕРДІҢ ҚАН САРЫСУЫНДАҒЫ БИОХИМИЯЛЫҚ МАРКЕРЛЕРДІҢ МӨЛШЕРІН ИММУНОФЛЮОРЕСЦЕНТТІК ТАЛДАУ Султамбекова Г.К., Ашабаева Ж.Е., Джангалиева Р.Н., Қошқарова Қ.А. əл-Фараби атындағы Қазақ Ұлттық Университеті, Алматы қалалық адам ұрпағын өрбіту орталығы gulzhan1777@mail.ru Қəзіргі таңда адам ұрығының дамуы барысында көптеген хромосомалық бұзылыстар кездесуде. Сол себепті ұрықтың дамуында бұзылыстың бар немесе жоқ екендігін анықтау мақсатында жүкті əйелдердің қан сарысуына биохимиялық скрининг жүргізеді. Скрининг барысында ұрықтың ауытқуларына сəйкес биомаркерлердің мөлшері зерттеуге алынады. Пренатальды скрининг І триместірдегі жүктіліктің 11-13 апта аралығында жүргізіледі. Бұл скринингте қан сарысуындағы екі көрсеткіші: АХГ-гормонының 𝛽-суббірлік жəне РАРР-А белогын мөлшерлері ‟қос тест” ретінде анықталады. ІІ триместрдегі пренатальды скрининг жүктіліктің 14-20 апта аралығында жүргізіледі, бұл скринингте қан сарысуындағы үш көрсеткіші: альфа фетопротейн (АФП), бос эстриол (Е3) жəне адам хориондық гонадотропиннің (АХГ) мөлшері “үштік тест” ретінде анықталады. 167 Жұмыстың мақсаты: жүкті əйелдердің қан сарысуындағы биохимиялық маркерлердің мөлшерін анықтау.Зерттеу əдісі: иммунофлюоресценттік. Зерттеу обектісі: жүкті əйелдердің қан сарысуы. Алматы қалалық адам ұрпағын өрбіту орталығының медико-генетикалық бөлімінде иммунофлюоресценттік талдау зертханасында жасалынды. Талдауға 2016 жылғы зерттеулер нəтижесі алынды. І жəне ІІ триместрде биохимиялық скринингтен өткен жүкті əйелдер саны 33500 болды. ‟Қос тест” жəне “үштік тест” бойынша анықталған биомаркерлердің ауытқуына қатысты қауіпті топқа бөлінген жүкті əйелдердің саны – 759 (2,3%) болды. Олар инвазивті диагностикаға жіберілді. Цитогенетикалық зерттеудің нəтижесі бойынша 45 жүкті əйелдердің ұрығында хромосомалық сандық бұзылыстар анықталды, жиілігі 5,9% құрады. Хромосомалық бұзылыстары бар ұрықтардың ішінде Даун синдромының кариотипі - 33 (73.3%), оның ішінде 17 (37,8%) - 47,XX,+21 жəне 16 (35,6%) – 47,ХУ,+21; Эдвардс синдромының кариотипі – 4 (8,9%), оның ішінде 3 - 47,XX,+18 жəне 1 - 47,ХУ,+18; Клайнфельтер синдромның кариотипі (47,ХХУ) – 1 (2,2%); X–хромосоманың моносомия (45,Х) - 1 (2,2%); Х–хромосоманың полиплоидиясы (69,ХХУ) - 1 (2,2%); құрылымдық бұзылыстары бар 1 (2,2%) кариотип - 47,ХХ,t(14;21)(q11.1;q11.1) анықталды. Дамуында туа біткен ақаулары бар ұрықтардың саны – 4 (8,9%) болды, оның ішінде 2 – spina bifida, 1 – кистозная гигрома жəне 1 – дамуында көптік ақаулары бар ұрық. Пренатальды диагностикада биохимиялық скрининг ұрықтарында хромосомалық ауытқуы бар жүкті əйелдердің қауыпті топтарын құрастыруға жəне қалыпты емес жүктілікті тоқтатуға мүмкіндік береді. Ғылыми жетекшісі: б.ғ.к. Қалимағамбетов А. М. жүктеу/скачать 2,79 Mb. Достарыңызбен бөлісу:
|