"фараби əлемі" атты халықаралық ғылыми конференция материалдары
ЦИАНОБАКТЕРИЯЛАРДАН ЛИПИДТЕРДІ ЭКСТРАКЦИЯЛАУ ӘДІСТЕРІН ТАЛДАУ
жүктеу/скачать 2,79 Mb. Pdf көрінісі
|
thesis114326
|
ЦИАНОБАКТЕРИЯЛАРДАН ЛИПИДТЕРДІ ЭКСТРАКЦИЯЛАУ ӘДІСТЕРІН ТАЛДАУ Талпақова А.Е., Карабекова А.Н., Ахметкалиева А.Е., Қосалбаев Б.Д. əл – Фараби атындағы Қазақ Ұлттық Университеті anara.talpakova@mail.ru Соңғы жылдары биоэнергетика – биотехнологияның жеке салаларының бірі болып қалыптасты. Осыған орай биологиялық объектілерді жəне олардың көмегімен жүзеге асырылатын əртүрлі процестерді пайдаланып, экологиялық таза биоотын алу қолға алынуда. Биоотынның кең тараған түрі – биодизель алуда өсімдіктерді шикізат ретінде пайдалану барысында кездесетін қиыншылықтарды жеңу мақсатында кейбір мамандар биодизельді отын алуға шикізат ретінде қолдануға болатын майды синтездей алатын цианобактерияларды пайдалануды ұсынды. Cyanobacterium sp. IPPAS B – 1200 цианобактерия штаммының биодизель өндірісіне жарамды С 14 жəне С 16 май қышқылдық құрамы анықталды. Cyanobacterium sp. IPPAS B – 1200 штамы 30% дейін миристин (14:0) жəне 10% дейін миристолеин (14:1Δ9) қышқылдарын синтездейтіні анықталды. Пальмитин (16:0) жəне пальмитолеин (16:1Δ9) қышқылдарының жалпы мөлшері 60% құрайды. Ғылыми зерттеу жұмыстың негізгі мақсаты цианобактериялардан липидтерді экстракциялау əдістерін талдау. Зерттеу объектісі ретінде Cyanobacterium sp. IPPAS В-1200штаммы əл – Фараби атындағы ҚазҰУ, биотехнология зертханасының фототрофты микроорганизмдер коллекциясынан алынды. Штамм 100л көлемді фотобиореакторда Заррука қоректік ортасында стационарлы өсу фазасына жеткенінше 13 тəулік бойы дақылданды. Өсіп шыққан дақылдан центрифугалау əдісі арқылы биомасса жинақталды. Спектрофотометрия көмегімен 720нм толқын ұзындықта алынған биомассаның оптикалық тығыздығы анықталынды. Цианобактерия клетка биомассасынанлипидтерді экстракциялау Фольч əдісі (2:1 хлороформ/метанол), Блай жəне Дайер əдісі (1:2 хлороформ/метанол), 220 Хара жəне Радин əдісі (3:2 гексан/изопропанол), 2,5:2,5:1 қатынасындағы этанол/гексан/су жəне этанол/петролейнді эфир қоспаларымен жүргізілді. Зерттеу нəтижесінде дақылдаудың алғашқы күнінде штамм суспензиясының оптикалық тығыздығы – 0,04, 12-13 тəуліктен кейін дақыл суспензиясының оптикалық тығыздығы 2,25±0,1 құрады. Cyanobacterium sp.IPPAS B-1200 цианобактерия штамының 100 л тығыз суспензиясынан 80 г/л шоғырланған биомасса алынды. Cyanobacterium sp. IPPAS B-1200 штамм клеткасынан липидтерді экстракциялау нəтижесінде липидтер шығарылымы Фольч əдісінде - 7%, Хара жəне Радин əдісінде - 3%, этанол/гексан қоспаларымен – 3,5%, Блай жəне Дайер əдісінде - 9%, этанол/петролейнді эфир қоспаларымын экстракциялау – 1,79% құрады. Салыстырмалы талдау нəтижесі бойынша Блай жəне Дайер əдісімен экстракциялау Cyanobacterium sp.IPPAS B-1200 штамм биомассасынан липидтерді максималды шығаруға мүмкіндік береді жəне аталған əдісті биодизель өндірісіне ұсынуға болады. Ғылыми жетекшісі: б.ғ.д., профессор Заядан Б.Қ жүктеу/скачать 2,79 Mb. Достарыңызбен бөлісу:
|