"фараби əлемі" атты халықаралық ғылыми конференция материалдары
ПРОБИОТИКО-ФЕРМЕНТАТИВТІ ЖЕМДІК ҚОСПАЛАРДЫ АЛУ ҮШІН
жүктеу/скачать 2,79 Mb. Pdf көрінісі
|
thesis114326
| ПРОБИОТИКО-ФЕРМЕНТАТИВТІ ЖЕМДІК ҚОСПАЛАРДЫ АЛУ ҮШІН
БАЦИЛЛАЛАРДЫ БӨЛІП АЛУ Маханбетова Н.Ж., Батықова Ж.К. əл-Фараби атындағы Қазақ Ұлттық Университеті mahanbetova_n@mail.ru Құстардың асқазан-ішек жолын коррекциялау жəне əр түрлі ауру түрлерін емдеуде дəстүрлі түрде антбиотиктер мен химиялық препараттарды пайдалану дəрі-дəрмекке төзімді ішек инфекцияларының қоздырғыш штамдарының пайда болуы мен жинақталуына алып келеді. Құс шаруашылығы өнімдерін пайдалану барысында қоздырғыш штамдарының жұғу қауіпінен бөлек, адам ағзасына антибиотиктердің де енуі мүмкін. Ал бұл тағам өнімдерінің экологиялық қауіпсіздігінің заманауи талаптарына қарама-қайшы. Осыған байланысты препараттарды жасау, соның ішінде альтернативті жемдік антибиоткитерді алу-ғылыми-өндірістік маңызды міндеттердің бірі. Микробиологиялық қоспалардың ішінде құрамы мен қасиеті жемдік ферменттер мен пробиотиктерге ұқсас препараттар бар. Олардың құрамына енетін микроорганизмдер жоғарғы сатыдағы жануарларда болмайтын ферменттерді синтездейді. Сондай препараттардың бірі- құрамында Bacillus туысына жататын бактериялар бар пробиотико-ферментативті жемдік қоспалар. Bacillus туысына жататын бактерияларды пайдалану аймағы кең. Бациллалардың көптеген түрлері топырақтың құнарлылығын жоғарылатуға қажетті биопрепараттар өндірісінде, фитопатогенді саңырауқұлақтар жəне насекомдармен күресуде, қалдық жəне құбыр суларын тазарту сияқты экологиялық мəселелерді шешуде, ластанған топырақ биоремедиациясында, тағам өндірісінде консерванттар ретінде, медицина мен ветеринарияда пробиотиктер ретінде белсенді түрде пайдаланылады. Əдістер: бациллаларды бөліп алуда селективті қоректік орталарда жинақтық дақыл алу əдісі; антагонистік белсенділікті анықтау; протеолитикалық белсенділікті анықтау; целлюлозалитикалық белсенділікті анықтау; идентификация – баканализатор Vitek; токсинділікті, вируленттілікті анықтау. Аэробты спора түзуші бактtриялардың 90 түрлі дақылдардың нысана-микроорганизмдерге қатысты антагонистік белсенділігі зерттелді. Балапан-бройлер мен мекиен тауықтардан бөлініп алынған нысана-микроорганизмдер:Salmonella typhi, Salmonella typhimurium, Citrobacter aerogenes, 205 Escherihia coli, Proteus vulgaris. Энтеробактериялардың 25 түрлі антагонистік штамдары таңдалып алынды. Таңдалып алынған 25 түрлі антагонистік штамдардың протеолитикалық жəне целлюлозалитикалық белсенділігі анықталды. Зерттеу жұмысы бойынша белсенді штамдарды целлюлозада дақылдау барысында гидролиз процесі жүзеге асып, бактериялар синтездейтін өнімдердің жоғары мөлшердегі нəтижесін үшінші тəулікте алуымызға болады. Бациллалардың целлюлозды комплекстегі ферменттер арқылы анықталған жоғары протеолитикалық белсенділігі бар 7 түрлі штамынан құралған жұмыс коллекциясы жасалды. Бациллалардың 7 штамының идентификациясы жүргізілді. Нəтиже бойынша ПМ4, ПМ11, Ж16, Ж30 Apiweb штамдары Bacillus subtilis түріне, ал ПМ15, Ж35, Ж44 штамдары Bacillus lichinіformіs түріне жатады. Барлық штамдар ферментативті белсенділікке, патогенді факторлар ассоциациясына ие емес жəне лабораториялық жануар ағзасына токсинді əсері жоқ. Ғылыми-жетекшісі: б.ғ.к., доцент Кистаубаева А.С. жүктеу/скачать 2,79 Mb. Достарыңызбен бөлісу:
|