Фармакология негіздері
Протон помпасының ингибиторлары
жүктеу/скачать 192,65 Kb.
|
Фармакология негіздері (2)
- Бұл бет үшін навигация:
- Ренни, Алмагель, Маалокс, Гастал, Викалин, Викаир
| Протон помпасының ингибиторлары
I -буыны: Омепразол; II-буыны: Лансопразол; III- буыны: Пантопразол (Контролок), Рабепразол (Париет). Протон помпасының ингибиторлары тұз қышқылының секрециясын және пепсиногеннің бөлінуін тежейді, Helicobacter Pilor- ге қарсы бактериоста-тикалық әсер көрсетеді. Холинорецепторларға, гистаминорецепторларға әсер етпейді. Әсері 24 сағатқа созылады. Жанама әсері: ауыз құрғау, тәбеттің төмендеуі, іш қату, метеоризм, іш түйілу, диарея, бас ауру, бас айналу, ұйқысы бұзылу, көру нашарлау, аллергия, мазасыздық. Қолданылады: асқазан және 12 елі ішек ойық жарасында. Қарсы көрсеткіші: жүктілік, лактация, 14 жасқа дейінгі балаларға. Н2-гистаминоблокаторлар мен протон помпасының ингибиторларын ацетилсалицил қышқылымен улануда да қолданады. 3.3. Антацидтер (аnti-қарсы, acidum-қышқыл) асқазан қышқылдығын төмендетіп, асқазанның зақымдануын азайтады. Асқазанда тұз қышқылымен химиялық реакцияға түсіп, оны бейтараптайтын сілтілер болып табылады. Антацидтер: сіңетін және сіңбейтін болып бөлінеді. Сіңетін антацид: Натрий гидрокарбонат (NaHCO3) 3- 5минутта әсер етеді. Асқазанда СО2 түзеді. NaHCO3+ HCl ↔ NaCl + CO2 + H2O. Бұл асқазанның керілуіне әкеліп, қайтара HCl бөлінуіне себеп болуы мүмкін. Жүйелі алкалоз даму қаупі артады. Тіндерде Na+мен судың кідіріп ұсталуынан ісінулер болады. Антацид ретінде өте сирек қолданылады. Сіңбейтін антацидтер: Магний тотығы (MgO), Магний үш силикаты ((2MgO+ 3SiO2+ H2O)n), Алюминий гидрототығы ((Al(OH)3), Кальций карбонаты. Құрмаластырылған дәрілер: Ренни, Алмагель, Маалокс, Гастал, Викалин, Викаир. Олар ұзақ әсер етеді. Тұз қышқылымен ерімейтін қосылыстар, коллоидтар, гель түзеді. Әсері 15-20 минутта басталып, 1-3 сағатқа созылады. Ас қабылдаған соң 1,5- 2 сағаттан кейін немесе ұйықтар алдында қабылдайды. Асқазанда СО2 түзбейді. Н2-гистаминоблокаторлар мен протон помпасы ингибиторларының тиімділігі жоғары болғандықтан антацидтер монотерапияға қолданылмайды. Антацидтер қосымша дәрі ретінде ғана қаралады. Жанама әсерлері: гипермагниемия, алкалоз, іш қату. Қарсы көрсеткіштері: бүйректің ауыр бұзылыстары, Альцгеймер ауруы. Қолданылады: асқазан ойық жарасында, гиперацидті гастритте, рефлюкс- эзофагитте. Антацидтер тетрациклиндердің, дигитоксин, ацетилсалицил қышқылының сіңуін тежейтіндіктен олармен бірге қабылдауға болмайды. Арасына 2-3 сағат уақыт салып қабылдаған жөн. жүктеу/скачать 192,65 Kb. Достарыңызбен бөлісу:
|