сұйық жанармаймен жұмыс істейтін аппаратураларды қолдануға;
жұмысты еріксіз тоқтатқанда немесе жұмысшы ыдыс ішінен шығып кеткен кезде оттықты жанған күйінде қалдыруға рұқсат етілмейді.
Сұйық жанармайды қолданып газ жалынымен жұмыс жүргізу. Бұл жұмыстар үшін керосинмен кескішті және жанармай құйылған ыдысты пайдаланады. Осындай жұмыс атқару үшін жабық жердегі жұмыс орны 1 кг жанармай (керосин) жануына кем дегенде 2500 м3 таза ауа кіргізетін желдеткішпен жабдықталуы керек. Бұған қосымша өрттен сақтайтын құрал (екі ОУ-5 өрт сөндіргіші мен құм толтырылған ыдыс) да болуы қажет. Жұмыс бастамас бұрын барлық жалғауларды мұқият тартып, бекітеді, ал жұмыс кезінде де оларды қайталап тексеріп, қажет болса тағы да қатайтып тартады. Сұйық жанармайды ыдысқа тек сүзгі арқылы сүзіп құяды. Сүзгі үшін матаны, мыс сүзгілерді пайдаланады. Төгіліп қалған сұйық жанармайды тез арада құммен ысқылайды.
Тұтанып кеткен жанармайды өрт сөндіргіштермен, құммен өшіреді немесе тығыз матамен, березентпен т.с.с. жауып сөндіреді. Жалынды сөндіруді, реттеуді аппаратураны шығарған зауыттың нұсқаулары бойынша орындайды. Жұмыс аяқталғаннан кейін керосинмен кескішті, жанар май ыдысын және жұмыс киімдерін арнаулы орындарда сақтайды.