Геологиялық бөлім Кен орын туралы жалпы мәліметтер
Ұңғы өнімдерін өндірістік жинау және дайындау жүйесі
жүктеу/скачать 0,55 Mb.
|
ТНХП-2021 курсова (копия)
| 2.2.4 Ұңғы өнімдерін өндірістік жинау және дайындау жүйесі
Ұңғы өнімдерін кәсіпшілік ішінде жинау мен дайындау жүйесі іске қосылып тұрған ұңғы қорының өнімдерін жинау, өлшеу, дайындау объектісіне кәсіпшілік тасымалдау, тауарлы сапаға жеткізу және тұтынушыға тапсыру үшін арналған. Қаражанбас кен орны 1978 жылдан бері пайдалануда. Пайдалануға енгізілу уақытына байланысты құрамына ВВГ, ПТВ-2, ПТВ-3 аудандары кіретін бұрғыланған аумақ(ескі аумақ) және кен орынның шығыс, солтүстік, батыс, оңтүстік аудандарын қамтитын жаңа аумаққа бөлінеді. Өндірілген өнімді жинау келесі технологиялық тізбек бойынша жүргізіледі: өндіру ұңғыларының сағасынан өнім лақтыру желілері арқылы топтық қондырғыға(ТҚ) келіп түседі. Топтық қондырғыда сұйық шығымы өлшенеді, айырудың бірінші сатысы өтеді, пеште қыздыру жүргізіледі. Сосын мұнай жинау жүйесімен сораптар арқылы мұнай дайындау объектісі-мұнай дайындау қондырғысына(МДҚ) жеткізіледі. Кәсіпшілік ішіндегі жинау, тасымалдау және дайындау жүйесі «Қазақстан Ресубликасында мұнай және газ кен орындарын игерудің бірыңғай ережесіне» сәйкес келесі талаптарға жауап беруі керек: -өндірілген өнімді жинаудың саңылаусыздығын қамтамасыз ету; -мұнай мен газдың минималды шығынын қамтамасыз ету; -атмосфераға шығарылымның минималды болуын қамтамасыз ету; -әр ұңғы өнімінің дәл өлшенуін қамтамасыз ету; -игеруді бақылау үшін және ұңғы жұмысының тиімді технологиялық режимін таңдау үшін ұңғыларды зерттеу мүмкіндігін қамтамасыз ету; -жалпы кен орынның кәсіпшілік өнімінің есебін қамтамасыз ету; -технологиялық тізбектің барлық буындарының пайдалану сенімділігін қамтамасыз ету; -барлық технологиялық үрдістердің автоматтандырылуын қамтамасыз ету; Бұл талаптарды ескеру үшін келесі нұсқауларды орындау қажет: Ұңғылардың шығымын стационарлы өлшеу қондырғысымен де, жылжымалы өлшеу қондырғысымен де жүргізуге болады. Ұңғы жұмысының технологиялық режимін анықтау үшін және қабатта болуы мүмкін өзгерістерге байланысты ұңғы жұмысын түзету үшін әр ұңғы өнімі міндетті түрде айына 1 реттен кем емес жиілікпен өлшенуі тиіс. Кен орынды игеруді бақылау және өнімді есептеу үшін кәсіпшілікте қолданылатын барлық өлшеу қондырғылары өлшеу дәлдігін және сенімділігін қамтамасыз етуі тиіс. Мұнайдың қату температурасы теріс екенін ескеріп (минус 18 оС-тан төмен), лақтыру желісінің жүйесін жер бетінде орналастыруға болады. Кәсіпшілік ағын қозғалысының тиімді температурасын қамтамасыз ету үшін, температура төмендегенде мұнай тұтқырлығы айтарлықтай жоғарылайтынын ескеру үшін, құбырдағы гидравликалық кедергілерге байланысты күрделі жағдайлардың алдын алу үшін құбырлардың барлық жер үсті бөліктері жылу изоляциялаушы материалдармен қапталуы тиіс. Барлық ТӨҚ-тар факелдерде алауды тұрақты қамтамасыз ету үшін газ жүйесімен немесе стационарлы газ баллон қондырғыларымен қамтамасыз етілуі тиіс. Бұл жұмыстар атмосфераға шығарылымдарды азайту мақсатында жүргізіледі. Барлық жабдықтар қажетті қауіпсіздік және бақылау жүйелерімен қамтамасыз етілуі тиіс. Кен орынның ескі бөлігінде 1016 өндіру ұңғысы орналасқан. 315 ұңғы ВВГ ауданында, 665 ұңғы ПТВ-2 және ПТВ-3 аудандарында орналасқан. Ескі аумақтың жинау жүйесіне ВВГ кәсіпшілігінің 12 ТӨҚ-і, ПТВ-2 кәсіпшілігінің 10 ТӨҚ-і және ПТВ-3 ауданының 12 ТӨҚ-і кіреді. ТӨҚ-ке қосу сәулелік(лучевая) сұлбамен, аумақтық белгі бойынша,ұңғылардың қай игеру объектісіне жататынын ескермей жүргізіледі. Бір ТӨҚ бойынша лақтыру желілерінің ұзындықтары 100 метрден 700 метрге дейінгі аралықта өзгереді. Лақтыру желісінің ұзындығы ұңғылардың орналасу сұлбаларымен анықталады. Өнімнің бұдан әрі де суланатынын ескеріп ескі ауданда жинау жүйесін жаңғырту жобасын жасау керек. Бұл жобада кәсіпшілікте суды алдын ала лақтыру қондырғыларының тиімді саны анықталуы қажет. Жаңа аумақта кен орынның шығыс бөлігі белсенді дамып жатыр. Мұнда ТӨҚ-27,30, 31, 32 жабдықталған. Жаңа ТӨҚ-терге қосылу аумақтық белгілер бойынша жүргізіледі, бірақ ұңғылардың қосылу сұлбасы ерекшеленеді. Ұңғылардың лақтыру желілері тікелей мұнай жинау коллекторларына қосылған, ол бойынша бүкіл сұйық ТӨҚ-ке жылжиды. Өнімді өлшеу әр ұңғының сағасындағы жеке шығынөлшегіштерде жүргізіледі. ТӨҚ-тердегі технологиялық сұлба қолданып жүргендерге ұқсас: сұйық ағыны айырудан өтеді, ілеспе газ 0,6-0,8 атм. қысыммен V-01 газ айырғышына түсіп конденсат пен механикалық қоспалардан тазартылған соң Н-01 мұнай қыздырғышқа жіберіледі. Қыздырылған мұнай сораптармен мұнай жинау жүйесі арқылы МДҚ-ға жеткізіледі. Жаңа ұңғылар қорын қосқан кезде келесі нұсқауларды орындау қажет: жобалық ұңғыларды қазір істеп тұрған жинау жүйесіне максималды қосу; игеру жағдайын бақылау үшін әр ұңғыдан шығатын мұнай, су, газ мөлшерін жеке есептеу; лақтыру желілерінің ұзындықтарын мұнайдың құрамында көп мөлшерде шайыр, асфальтен, механикалық қоспалар бар екенін ескеріп таңдау; ұңғыларды жинау жүйесіне қосу объектілерге тәуелсіз, аумақтық белгілер бойынша жүргізу. Жинау жүйесінің жағдайын талдау негізінде жаңа ұңғылар ең жақын объектілерге немесе жаңа ТӨҚ-33 пен ТӨҚ-34-ке қосылады. Өнімді дайындау бүкіл кен орынға арналған МДҚ-да жүргізіледі. Соңғы жылдары мұнда кеңейту және қайта құру шаралары жүргізілді. Олар келесі мәселелерді шешуге арналған: жаңа ұңғыларды іске қосуды ескеретін МДҚ-ң жалпы өнімділігін ұлғайту; МДҚ-ң тазалау құрылымдарына жүктемені азайту арқылы кәсіпшіліктегі экологиялық жағдайды жақсарту; кондицияға жетпеген мұнай сақталып келген резервуарларды мақсатымен пайдалану үшін босату. Жұмыс істеп тұрған 1-технологиялық желіні тауарлы мұнайдың өнімділігін тәулігіне 5500 м3-тан 11000 м3-қа жеткізу үшін қайта құру қажет. Желінің тиімділігін арттыру жаңа 1А және 1В желілерін құру мен 1В желісінде жаңа технологиялық жабдық орнату арқылы жүргізіледі. Ондай жабдықтарға келесілер жатады: ПТБ-10А тікелей қыздыру пеші-1 дана, көлемі 200 м3 тік тұндырғыш-2 дана, екі кірісті 6НДв-Бт ортадан тепкіш сорабы-2 дана. Қазіргі кезде МДҚ-да тәулігіне сулануы 85 пайыз болатын 30 мың м3 өнім дайындалады. МДҚ-ң МЕСТ 9965-76 стандартына сәйкес келетін тауарлы мұнай бойынша өнімділігі 5500 т/тәулік. Бұл көрсеткішке 3 технологиялық желіліден келіп түсетін тауарлы мұнай кіреді. МДҚ-ң кондицияланбаған мұнайды дайындау тиімділігін арттыру үшін ортадан тепкіш айыру әдісімен мұнай шламын тазартатын жаңа технологиялық желі енгізілді. Мұнай шламынан тазарту қондырғысы ретінде FOX 15 модулі қолданылуда. Қайта құру шаралары деэмульгаторлардың меншікті шығымын азайтуға мүмкіндік береді. Деэмульгаторды таңдап алу арнайы зерттеулердің оң нәтижесіне негізделеді. Қаражанбас кен орнында мұнайдың технологиялық шығын дәрежесі анықталмаған. Мұнайының эмпирикалық коэффициентін кешенді зерттеулер арқылы анықтап, соның негізінде мұнайдың технологиялық шығын нормативін жасау қажет. Бұл жұмыстар қолданылып жүрген РД 39-1-22-77 «Түрлі жүйелер үшін жинау кезінде мұнайдың технологиялық шығындарын есептеу әдістемесіне» сай жүргізілуде. жүктеу/скачать 0,55 Mb. Достарыңызбен бөлісу:
|