Әдейілеп тәртіп бұзу – қарсыласпен әдейілеп қақтығысқа түсу үшін ойыншы жіберген қателік.
Ойыншыны ауыстыру – ойын сағаты тоқталып доп сол команда қолында болғанда төрешілер үстелі қасында өтеді. Егер допты ұстап тұрған ойыншы ауыстырылатын болса, онда дәл осы уақытта басқа командаға да ауыстыру рұқсат етіледі. Дау туғызған лақтырулар жасауға қатысқан немесе айыптық лақтыру жасайтын ойыншыларды ауыстыруға рұқсат етілмейді. Екінші жағдайда соңғы лақтыру табысты болғанда ғана ауыстыру мүмкін болады. Допты бақылау – тек қолмен ғана жасалады, оны әперуге, лақтыруға, соғуға, сырғанатуға немесе кез-келген бағытта жүргізуге болады.
Команда – 10 адамнан, жаттықтырушыдан және оның көмекшісінен тұрады. Тур жүйесінен тұратын жарыстарды (қатарынан 5 немесе одан да көп ойын өткізу) ойынға 12 ойыншы ұсыныс жасайды: ойын барысында ойыншыларды шексіз ауыстыра беруге болады. Ойыншылардың түсі басқа екі спорттық киімі болуы керек және оған майкінің түсінен басқа түспен және реттік саны белгіленуі қажет. Санның қалыңдығы 2 см, кеудесінің биіктігі 10 см, ал арқасындағының биіктігі – 20 см.
