I химияны оқыту әдістемесінің жалпы мәселелері

жүктеу/скачать 0,89 Mb.

бет	11/70
Дата	22.12.2023
өлшемі	0,89 Mb.
	#142981

1 ... 7 8 9 10 11 12 13 14 ... 70

Байланысты:
I химияны оқыту әдістемесінің жалпы мәселелері-emirsaba.org (1)

Жобалар әдісі

Мақсаты: оқушылардың өздігінен әр түрлі білім көздерінен жетіспеген білім негізін алуға жағдай туғызуы. Бұл әдіс негізінде оқушылар танымдық және сарамандық міндеттерді шешуге алған білімдерін қолдануға үйренеді, құзыреттілік икемділіктерді қабылдап, әр түрлі топта жұмыс істеуге зерттеушілік іскерліліктерін дамытады. Мәселені көре білуге, ақпарат жасауға, бақылау жүргізіп эксперимент жасауға, талдау жүргізіп, тұжырым жасауға үйренеді. Жүйелі ойлау қабілетін дамытады.
Жобалық оқытудың теориялық алғы шарттары:

Ең басты назарда оқушылар тұрады. Олардың әр түрлі шығармашылық қабілетін дамыту көзделеді.
Білім беру процесі оқу пән логикасына негізделмейді керісінше оқушының өзіне тән әрекетінің логикасына негізделеді. Осының өзі оқушының оқуға деген мотивациясын дамытады.
Жоба негізінде жекеше жұмыс істеу әр оқушының өзіндік дамуының деңгейіне көтерілуге мүмкіндік береді.
Оқу жобаларын құруға кешенді түрде келу оқушылардың физиологиялық, психикалық дамуын қалыптастыруға мүмкіндік береді.
Базалық білім деңгейін терең және саналы меңгеру әр түрлі жағдайда оларды әмбебап қолдануға байланысты.

Мұғалім мен оқушының әрекеттесу жүйесі оқушы мен мұғалімнің әрекет жүйесін анықтау мақсатында алдымен жобаның кезеңдерін анықтап алу керек. Қазіргі кезде жобаны құрудың келесі кезеңдері қолданыс тауып отыр.

Жоба тақырыбының көлемі әр алуан, негізінде оқу жобаларының үш түрін бөліп көрсетуге болады. 2-6 сағат қысқа мерзімді, орта мерзімді 12-15 сағат, сонымен қатар ұзақ мерзімді жоба болады. Негізінен оқу мекемелеріне әр түрлі жобалар болуы мүмкін, негізінен бір жобаны кешенді етіп ұсынған дұрыс. Жас шамалары әр түрлі ұжымда бір оқу жылында 2-3 жоба істеуге болады. Ал оқу пәндері бойынша жобалар құру көбірек болуы мүмкін. Білімді бағалау өлшемі жобаның мақсатына қашалықты деңгейде жеткенімен анықталады. Осындай жобалық оқытуды жүзеге асырады, анықталады. Жобаның нәтижесі егер жоба мақсатты іске асырылса онда жаңа нәтиже алуға тырысуымызға болады. Ол нәтиже оқушылардың оқу таным қабілеттілігі мен дербестілігінің қаншалықты деңгейде дамығандығын көрсетеді. Бұл технологияны қолдану шектеулері:

Осы технологияны қолдануға мұғалімнің мотивациясының төмендігі.
Оқушылардың жобаға қатысты мотивациясының төмендігі.
Оқушылардың зерттеушілік икемділіктерінің төмен деңгейде болуы.
Жоба нәтижесін бағалау критерийлерінің жеткіліксіздігі.

1-кесте Оқушы мен мұғалім арасындағы байланыс мәні:

Кезеңдері	Мұғалім әрекеті	Оқушы әрекеті
1.1 жобаның тақырыбын талдау	Мүмкін болатын тақырыптарды таңдап алып, оқушыға ұсыну	Алдымен талқылайды, тақырып бойынша бір шешімге келеді.
	Мұғалім оқушыларға жоба тақырыбын бірлесе отырып, таңдауды ұсынады.	Оқушылар тобы мұғаліммен бірлесіп тақырып таңдап, сыныпқа талдауға ұсынады.
	Мұғалім тақырыпты талқылаған кезде қатысады.	Өз бетімен тақырыпты талдап алып, сыныпқа талқылау үшін ұсынады.
1.2 жоба тақырыбын тақырыпшаларға бөлу.	Алдын ала тақырыптарды тақырыпшаларға бөліп, оқушыларға таңдауға ұсынады.	Әр оқушы өзіне тақырыпша таңдайды немесе өз нұсқасын ұсынады.
	Оқушымен жобаның тақырыпшаларын талқылауға қатысады.	Тақырыпшаларды белсенді түрде талқылап, оның жаңа нұсқасын ұсынады. Әр бір оқушы өзіне тақырыпша таңдайды (өзіне роль таңдап алады).
1.3 шығармашылық топ қалыптастыру	Өздеріне нақты тақырыпша және әрекет түрлерін таңдап, алған әрекет түрлеріне байланысты бір топқа біріктіруге ұйымдастыру жұмысын жүргізеді.	Оқушылар өздерінің рольдері бойынша кіші топтарға бөледі.
1.4 материалды зерттеу жұмысына дайынду	Егер жоба көлемді болса мұғалім алдын ала ізденгіштік әрекетті жүзеге асыру үшін және әдеби шолу жасау үшін тапсырмалар мен сұрақтар құрастырады.	Кейбір жоғарғы және орта сынып оқушылары тапсырма құруда мұғаліммен бірге жұмыс істейді. Ал команда мүшелері іздеу жұмысын жүргізу үшін сұрақтарды сынып оқушылармен талқылайды.
1.5 жобалық әрекет нәтижесін белгілеу формасын анықтау	Мұғалім оқушымен бірге талқылауға қатысады.	Оқушылар топ ішінде зерттеу нәтижесінің қандай формада көрсетілетінін талқылайды (видео фильм, табиғи нысан, әдеби шолу т.б.)
2 жобаны құру	Кеңес береді, оқушылар жұмысын бақылап, олардың әрекетін ынталандырады.	Оқушылардың ізденгіш әрекеті ынталанады.
3 нәтижені өңдеу	Кеңес береді, оқушылар жұмысын бақылап, олардың әрекетін ынталандырады.	Алдымен топ ішінде содан кейін басқа топтармен бірлесе отырып нәтижені өңдейді.
4 презентация	Экспертизаны ұйымдастырады, эксперт бола алатын ата-ана т.б. шақырады.	Өз жұмыс нәтижесін баяндайды.
5 рефлексия	Өзінің педагогикалық ұйымдастыру әрекетін бағалайды, өзіндік әрекетін бағалайды.	Өз бағаларын және басқаларын ескере отырып рефлекцияны жүзеге асырады. Топтық рефлекция тиімді болады.

жүктеу/скачать 0,89 Mb.

Достарыңызбен бөлісу:

1 ... 7 8 9 10 11 12 13 14 ... 70