Ескілікті араб есептері
Қартайған шағында араб қариясы өзінің үш ұлына еншілеріңді былай бөліп алыңдар деп өсиет айтып кеткен екен. Ең үлкен ұлы жартысын, ортаншы ұлы үштен бірін, ал кенжесі тоғыздан бір бөлігін. Қария қайтыс болады және оның артында 17 түйе қалады. Ұлдары түйелерді өсиет бойынша бөле бастайды, бірақ 17 түйе не екіге, не үшке, не тоғызға бөлінбейді. Не істерлерін білмей тұрғанда, олардың қасына түйе жетектеген жолаушы қарт келеді. Таластың не үшін екенін білгеннен кейін, біраз ойланып, қарт зінің түйесін қосып, оларға түйелерді өсиеттегідей бөліп береді. Өз түйесін өзі жетектеп алып, сапарын жалғыстырады. Бұл қалай болғаны?
Ағадан – ақыл,
Данадан – нақыл.
Ескі грек есебі
Ұрғашы есек пен Еркек есек екеуі салмақтары әр түрлі жүкті көтеріп келе жатты. Ұрғашы есек өзінің наразылығын көрсетіп келеді. Еркек есек ұрғашы есекке сен неменеге наразылық білдіріп келесің, егер де сен маған бір қабыңды салсаң, менің жүгімнің салмағы сенікінен екі есе артық болады, ал мен саған бір қап жүкті берсем, екеуміздің жүгіміз теңеседі деді. Екеуінде қанша қаптан болды?
Піл күшті ме, тіл күшті ме?
Піл ауыр ма, зіл ауыр ма?
Түлкі мен мысық
Түлкі мен мысық асқанаға келіп, түстік ішіп, қожайынға 1000 теңге ақша берген. Оларға ол түстік қанша тұрса, сонша ақша қайырып берген. Түлкі 200 теңге кем бергенін байқап қалған. Бұларға қожайын қанша ақша қайтаруы тиіс еді?
Қу алдымен арқаңды қағады,
Сосын қалтаңды қағады.
Өрістегі жылқы
Жылқылар өрісте жайылып жүр. Барымташылар жылқының үштен бірін қалдырып, қалғанын айдап кетті. Айдаудан екі жылқы бөлініп қашып келді. Өрісте алғашында қанша жылқы болды?
Жүйрік атқа, жел қамшы.
Достарыңызбен бөлісу: |
