Ұйымдастыру кезеңі. Сәлемдесу, оқушыларды түгелдеу. Қызығушылықты ояту: «Айна» ойыны. Оқушылар жұптасып, бір-біріне қарама-қарсы тұрады (немесе партада отырып та болады). Олардың біреуі қолдарымен, аяқтарымен, денесімен, бет-әлпетімен әртүрлі қимылдар жасайды, ал екінші оқушы оларды айна секілді қайталайды: оңды сол қылады, солды оң жасайды. Бір минуттан кейін оқушылар рөлдерімен алмасады. /Бұл ойын оқушыларға псиологиялық жағымды ахуал орнатады/.
Топтастыру: «Төрттік» әдіс. Сыныптағы оқушыларға «әке», «ана», «бала», «дос» деген жазулары бар парақшалар таратылады, сол аттары бойынша 4 топқа бірігеді. Сонымен қатар әке, ана, бала, дос туралы әннің бір шумағын ғана орындату арқылы сергіту жаттығуын жасайды.
Мақсаты:Оқушыларды қатыстыру арқылы барлығын теңестіру, бір-біріне жақындастыру.
Тиімділігі: Оқушының бір-біріне деген бауырмалдығы оянады, ынтымақтасады.
Топтастыру.
(Ұ). Ой қозғау. «Миға шабуыл» әдісі. Мұғалім төмендегі сұрақтарды оқушыларға қойып, суреттерді интербелсенді тақтадан көрсетеді. Оқушылар ұжымдық үлгіде білгендері бойынша өз ойларын айтып, жауап береді.
Оқушылардан жобалық іс-әрекеттің не екенін еске түсіруді және жобаны орындау кезеңдерін атауды өтініңіз.
Зерттеу мәселесі (Неге бұл мәселені зерттеген маңызды?)
Зерттеу мақсаты (Нәтижесінде не болуы керек?)
Зерттеу міндеттері (Мақсатқа қандай жолмен қол жеткізуге болады?)
Зерттеу барысы (Не істеу керек?)
Нәтижелерді ресімдеу
Ақпараттық ресурстар (Зерттелетін мәселе туралы толығырақ қайдан білуге болады?)
