«Ыќтималдыќтар теориясы мен математикалыќ статистика» бґлімініѕ экономикалыќ баєыттаєы мазмўныныѕ модульдік жобалануы
жүктеу/скачать 112 Kb.
|
sciPaper1588
| үй тапсырмасын мөлшерлеу бөлімінде қойылған мақсатқа сәйкес оқушының өз бетімен жасалатын тапсырмалары үш деңгейге сәйкестендіріліп жоспарланған. Әр деңгей бақылау жұмыстарының сәйкес есептерін шығара алуға кепілдік беретіндей етіп жоспарланады. Технологиялық картадағы есептер жоғарыда айтылған оқу құралынан алынды.
Технологиялық картаның логикалық құрылым бөлімінде қойылған мақсатқа бөлінген уақыт мөлшерленеді. Әр мақсатты меңгеруге қанша уақыт керектігін, қай уақытта бақылау, қай сабақта қайталау жүргізу керектігі жоспарланады. Технологиялық картаның түзету бөлімінде берілген мақсатқа қатысты оқушыға түсетін қиындықтар, мазмұнды меңгерту барысында неге көңіл бөлу керектігі жоспарланады. Бұл мәселелер сабақтың ақпараттық карталарына толығырақ ашылып жазылады. Ықтималдықтар теориясы, мектептегі соңғы буынның көпсалалығына байланысты, түрлі деңгейде оқытылады, ал бұдан жоғары оқу орнына келген студенттің математикалық білім сабақтастығының еріксіз бұзылатындығы шығады. Бір аудиторияда жалпы білім беретін және арнайы физика-математика мектептерінен келген оқушылар отырады. ЖОО оқытушысына меңгерілмеген мазмұнды фундаментальді түрде қайта оқытуға тура келеді, яғни уақыт кетеді. Өз кезегінде ЖОО-ғы мазмұнның қандай да бір бөлімдері оқылмай қалып, бұдан кейін оқытылатын пәндердің меңгерілуіне кері әсерін тигізеді. Бұл ығысудың кері әсері курс өскен сайын арта түседі. Жоғары курстарда студенттер оқылмай қалған бөлімдерге негізделетін таңдамалы пәндерден бас тартады. Студент таңдамаса, ол пән оқылмай қалады, яғни бұл саладағы ғылыми зерттеулер тоқтап қалады. Уақыт өте осындай курсты меңгерген маман да жоғалады. Математиканың ғылыми қолданысының бір тармағы жойылады. Оны қалпына келтіру кейін үлкен қиындыққа соғары сөзсіз. Ықтималдықтар теориясы мен математикалық статистиканың экономикалық бағытта модульдік жобалануы: Біріншіден, экономикалық бағыт таңдаған оқушыға (ата-анасына) немесе студентке айтылған бөлімнен білім көлемін беріп, даму траекториясын көрсетеді. Аяқталған модульдер түрінде берілген мазмұнның қандай деңгейде, қанша уақытта меңгерілуі өзіне байланысты. Екіншіден, бейіндік мектептердегі пән мұғалімдері Ықтималдықтар теориясы мен математикалық статистиканы оқытудың әдістемелік материалымен қамтамасыз етіледі. Өз оқу орнындағы оқу формасына, материалды техникалық жағдайына байланысты ұсынылған материалды бейімдеуіне мүмкіндігі бар. Осы жерде модульдік оқытудың артықшылығы байқалады, себебі модульдік оқытуда мұғалімнің оқыту процесін ұйымдастыруға шектеу қойылмайды, өз идеясын шығармашылық жетіктігін көрсетуге мүмкіндік алады. Үшіншіден, үй тапсырмасы топтастырылып берілуі оқытушыны бұл жұмыстардан құтқарады. Әрине, оқытушы бұл мөлшерлеумен келіспесе өзінің нақты қойған мақсатына, байланысты бұл картаға түзетулер жасап сабағының ақпараттық картасына түзетулер енізіп отыруға мүмкіндік алады. Төртіншіден, білімнің сабақтастығы сақталады, бірнеше модуль 11-12 сыныптарда немесе колледжде меңгерілсе, жоғары оқу орнында келесі модульдар меңгерілінеді. Қажетті мазмұнның оқытылмай қалып қою мүмкіндігі жойылады, бірізділік сақталады, уақыт үнемделеді.. Бесіншіден, мазмұнның қаншалықты меңгергендігін тексеретін болжаудың ұсынылғандығына байланысты, ЖОО келген студенттің өз білім деңгейін тексеруге мүмкіндік алады. Алтыншыдан, модульдің ішкі экономикалық мазмұндағы материалдармен толығып, оқытушы-әдіскерлердің тәжірибе алмасу мүмкіндігі қалыптасады. Жетіншіден, бір мамандық бойынша жасалған осындай пәндік жобаланған модульдер жиынтығы оқу процесіндегі пәнаралық байланыс ретін қамтамасыз етеді. Әдебиет Математика. Орта жалпы білім беретін мектептің 10-11 сыныптарына арналған оқу бағдарламалары. Авт.: Чакликова С.Е., Алдибаева Т.А., Казешев А.К., Рустемова Н.И. ҚР БжҒМ Министрінің № 367, 09.07.2010 ж. бұйрығымен бекітілген. 2. Рахметова Р.У., Казешев А., Нурпеисов С.А., Оразбекова Л.Н. Пәндердің типтік бағдарламасы «Экономикадағы математика» (050509 - Қаржы, 050506 –Экономика) Алматы, Т.Рыскулов ат. ҚазЭУ, 2010, 2-18 беттер. 3. Оразбекова Л.Н. Бейінді оқытудағы пәндерді модульдік жобалау мүмкіндіктері. ҚазҰУ Хабаршы, «Педагогикалық ғылымдар» сериясы, №2-3. 2010, 174-179 беттер 4. Кездейсоқ шама ұғымының мектепте берілу мүмкіндіктері Ізденіс. - №3. 2010, 244-249 беттер 5. Темиргалиев Н., Аубакир Б., Баилов Е., Потапов М.К., Шерниязов К., Алгебра и начала анализа, 10-11 классы. А., «Жазушы», 2002, 382б. 6. Аканбай Н. Ықтималдықтар теориясы: оқу құралы. әл-Фараби атын. ҚазҰУ. - 2-бас., толық. түзетілген.- Алматы: Қазақ ун-ті, 2009. 2-бөлім – 367б., 3-бөлім - 296 б. 7. Казешев А. Ќ., Нұрпейісов С.А.. оќу ќұралы / - Алматы: Экономика, 2008.- 472б. В статье рассмотрены возможности модульного проектирования содержания теории вероятностей и математической статистики для экономического профиля. жүктеу/скачать 112 Kb. Достарыңызбен бөлісу:
|