1.Постиндустриялық елдердің даму стратегияларының ерекшеліктері. Қазіргі дамыған елдерге инновацияларға негізделген өсу стратегнясы тән. Ол технологиялык даму деңгейіне мемлекеттің тікелей ықпал етуімен анықталады.
Бұл стратегия шеңберінде 3 тарап: жаңа технологиялардың қайнар көзі ретінде ғылым мен техника, ғылыми жаналықтарды енгізу алаңы ретінде бизнес, ғылым мен бизнесті үйлестіруші мемлекет өзара байланыста әрекет етеді. Мысалы, АҚШ, ЕО елдері және Жапония. Әсіресе микроэлектроника, телекоммуникациялар, бағдарламалармен қамтамасыз ету роботехникасын жасау, айрықша қасиеттері бар жаңа материалдарды өндіру, биотехнологиялар жетекші маңызға не болады.
Постиндустриялық қоғам жағдайында білім қаржыдан артық бағаланады. Халықаралық деңгейде бәсекелестік күшейген сайын,жетістікке жету үшін қаржының көлемі ғана емес, инновациялық идея да қажет бола бастады.
Білім, оны сақтау, білім қорын жинақтау және алмасу, онытолықтыру постиндустриялық өркениет дамуының қажеттілігіне айналады. Сол себепті жаңа қоғам ақпараттық өркениет деп аталады. Жаңа ақпараттық қоғамға жаңаша ойлау, басқадай деңгейдегі білім қажет, яғни білім берудің ескірген жүйесін алмастыру жүреді, білімге негізделген экономика дамиды.
Постиндустриялык экономикада жаңа типтегі венчурлық (ағылшынша venture - қауіп-қатерлі) инвестиция дамиды, яғни көптеген жобалар бірдей қаржыландырылады, олардың бірнешеуі ғана табысты болғанның өзінде, жұмсалған қаржы ақталады.
Ақпараттық қоғамда әлеуметтік жіктелу сақталады.Бұл қоғамды кәсіби мамандар қоғамы деуге де болады, мұндағы негізгі тап интеллектуалдар табы (ғалымдар, кеңесшілер, сарапшылар, технократтар және т.б.) болады.
2.Дамушы елдердің экономикалық даму стратегияларына баға беру. Дамушы елдер алдында экономиканың нығаюы мен дамуы, артта калушылыкты жою, халықтың өмір деңгейін көтеру және дүниежүзілік шаруашылыктағы орнын өзгерту мәселелері тұр. Ұлттық үкіметтер бұл мәселелердің шешімін индустрияландыруды жүзеге асырумен байланыстырады. Индустрияландыру - өнеркәсіпті басым түрде дамыту арқылы экономикада құрылымдық өзгерістерге алып келетін, өндірісті техникалық жағынан қайта жабдықтау және ел экспортын түбегейлі модернизациялауға мүмкіндік беретін кешенді үдеріс.
Дамушы елдерге тән экономикалық даму стратегияларын талдаунегізінде 6 топты бөліп қарауға болады :
1.Дамушы елдердің басым көпшілігінде эволюшіялық даму идеясына сәйкес, ізінен еріп даму стратегиясы кеңінен таралды. Мұның мәнісі - Азия, Африка мен Латын Америкасындағы жас мемлекеттер жалпы алғанда дамыған елдердің жолын қайталауы тиіс.
