Білім алушы • мазмұнға бағытталған сұрақтарға жауап береді;
• шағын диалогке қатысу арқылы сұрақты түсінгендігін көрсетеді.
Ойлау дағдыларының деңгейі:
Білу және түсіну
Қолдану
Орындау уақыты:
15-20 минут
Мәтінді 2 рет тыңдап, төмендегі тапсырмаларды орындаңыз.
1 мамыр – Қазақстан халқының бірлігі күні. Бұл - Қазақстан халқы үшін ең ірі мерекелердің бірі. Аталған мерекенің мақсаты, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау. Жыл сайын атаулы мерекеде Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды. Қазақ халқы елімізде тұрып жатқан жүзден астам ұлт өкілдерін құшақ жая қарсы алады. Олардың қазақ жеріне қоныстанып, өмір сүруіне жағдай жасады.
Еліміздегі этностарды бұрынғыдан да жақындастыру үшін бүкіл Қазақстанда жаппай патриоттық шерулер өтеді. Бүгінде «Достық» атты бір шаңырақ астына шоғырланған әрбір ұлттық-мәдени орталықтар мерекеде ән айтып, би билеп, жалпыхалықтық мейрамда дәстүр мен салтқа толы түрлі көріністер көрсетіледі. Халықтың көңіл-күйін көтеру үшін түрлі спорттық жарыстар ұйымдастырылады.
(127 сөз)
https://massaget.kz/layfstayl/alemtanu/Qazaqstanym/1718
1-тапсырма. Мәтін мазмұнына сай берілген сұрақтарға 1 сөйлеммен жауап беріңіз.
1-мамыр күні Қазақстан Республикасында қандай мереке тойланады?
