1-тапсырма. Мәтінді түсініп оқып, негізгі ойды анықтаңыз. Тақырып пен суретті байланыстыра отырып, кестені толтырыңыз.
Әлемнің нығаюы мәселесі бүкіл жүйеде қазіргі заманғы жаһандық мәселелерді айқындаушы деп санауға барлық негіз бар.
XVII ғасырда тек Еуропа аумағында ғана 3,3 млн адам, XVIII ғасырда – 5,4 млн, 1801-1914 жылдары – 5,7 млн адам қаза тапты. Бірінші дүниежүзілік соғыста 20 млн астам адам, ал екінші дүниежүзілік соғыста 70 млн адам қаза тапты (бұл жанама шығындарды санамағанда). Екінші дүниежүзілік соғыстан кейін дүниежүзінде ғаламшардың әртүрлі аймақтарында 300-ден астам әскери қақтығыстар байқалды, ал Кубаға қатысты КСРО мен АҚШ арасындағы және Үндістан мен Пәкістан арасындағы қақтығыстар ядролық қақтығыстарға соқтыра жаздады.
БҰҰ қару-жарақты қысқарту мәселесін шешуге үлкен үлес қосады, оның қарарымен мына қаруларды қолдануға тыйым салынады:
- химиялық;
-бактериологиялық;
-ядролық;
- адам ағзасына аса қауіп төндіретін оқ түрі.
Минаға тыйым салу бойынша халықаралық жұмыс жүргізілуде. Бірақ қарусыздану мәселесі әлі де өзекті екені түсінікті. Қару-жарақ шығындары әлі де үлкен. (134 сөз)
https://www.opiq.kz/kit/51/chapter/4180
Достарыңызбен бөлісу: |
