1-тапсырма. А.Құнанбайұлының «Масғұт» поэмасындағы кейіпкерлерге тән өзіндік ерекшеліктерді анықтаңыз.
Кейіпкерлер
Ерекшеліктер
Өмірлік мақсаттары
2-тапсырма.А.Құнанбайұлының «Лай суға май бітпес қой өткенге» өлеңінде көтерілген мәселенің жаңашылдығына баға беріңіз.
Өлең үзіндісі
Көтерілген мәселе
Жаңашылдығы
Лай суға май бітпес қой өткенге,
Күлеміз қасқыр жалап, дәметкенге.
Сол қасқырша алақтап түк таппадым,
Көңілдің жайлауынан ел кеткен бе?
Күні-түні ойымда бір-ақ тәңірі,
Өзіне құмар қылған оның әмірі.
Халиққа мақлұқ ақылы жете алмайды,
Оймен білген нәрсенің бәрі – дәһрі...
3-тапсырма. «Қос жазба күнделігі» әдісі арқылы А.Құнанбайұлының «Отыз екінші қарасөзінен» берілген үзінділер арқылы талаптың шарттарына түсіндірме беріңіз.
Үзінділер
Түсіндірме
Әуелі - білім-ғылым табылса, ондай-мұндай іске жаратар едім деп, дүниенің бір қызықты нәрсесіне керек болар еді деп іздемекке керек...
Екінші - ғылымды үйренгенде, ақиқат мақсатпен білмек үшін үйренбек керек. Бахасқа бола үйренбе, азырақ бахас көңіліңді пысықтандырмақ үшін залал да емес, көбірек бахас адамды түземек түгіл, бұзады...
Үшінші - әрбір хақиқатқа тырысып ижтиһатыңмен көзің жетсе, соны тұт, өлсең айрылма! Егерде ондай білгендігің өзіңді жеңе алмаса, кімге пұл болады? Өзің құрметтемеген нәрсеге бөтеннен қайтіп құрмет күтесің?
Төртінші - білім-ғылымды көбейтуге екі қару бар адамның ішінде: бірі - мұлахаза қылу, екіншісі - берік мұхафаза қылу. Бұл екі қуатты зорайту жаһатінде болу керек. Бұлар зораймай, ғылым зораймайды.
Бесінші - осы сөздің он тоғызыншы бабында жазылған ақыл кеселі деген төрт нәрсе бар. Содан қашық болу керек...
Алтыншы - ғылымды, ақылды сақтайтұғын мінез деген сауыты болады. Сол мінез бұзылмасын!
