Жануар физол

Қарында  жын  ұзақ  аялдамайды,  ішекке  азықтандыру  үстінде,  немесе 

азықтана  салысымен  өте  бастайды  да,  азықтың  құрамына  қарай  6-8,  кей 

жағдайда 12 сағатта ішекке өтіп бітеді. Жын ішекке 5-160 мл мөлшерде жеке-

жеке үлес түрінде өтеді. Əрбір өту толқыны 10-29 минуттан соң қайталанып 

отырады.  Азық  қабылдағаннан  кейін  эвакуация  жылдам  жүреді  де,  4-6 

сағаттан  соң  баяулап,  7-8  сағаттан  кейін  ішекке  жын  өте  аз  мөлшерде  ғана 

өтеді. Эвакуация қарқынына қарынның толу деңгейі əсер етеді: қарында жын 

неғұрлым көп болса, ол соғұрлым ішекке тезірек өтеді.  

    Қарында  бөлінетін  жынның  жалпы  мөлшері  азықтандыру  жиілігіне, 

азықтың түріне байланысты. Шошқаны үш мезгіл азықтандырғанда тəулігіне 

4,5-6  л,  немесе  берілген  азық  құрамындағы  құрғақ  заттардың  əрбір 

килограмына 3-4 л сөл бөлінеді. Тəулігіне бөлінген сөлдің 70 пайызы күндіз, 

30 пайызы түнде түзіледі. 

    Қарында  азық  болмаған  жағдайдың  өзінде  аз  мөлшерде  сөл  бөлініп 

тұрады.  Азықтандырған  кезде  сөл  бөлу  күшейеді.  Сөл  бөлуді  реттеу 

механизмдері иттерге ұқсас.