Жануарлар морфологиясы латын ветеринариялық терминологиясымен
жүктеу/скачать 2,63 Mb.
|
- Бұл бет үшін навигация:
- Жамбас-ортан жілік буыны
- Сурет-25. Жамбас сүйегінің байланысы.
| Құйымшақ-мықын буыны - articulatio iliosacralis – құйымшақ пен мықын сүйектеріндегі құлақша беттердің жанасуы нәтижесінде түзілген қимылсыз буын. Осы буын арқылы жамбас белдеуі омыртқа бағанына бекиді. Буында буын қапшығы болмайды. Байланыс дорсальды, вентральды және сүйекаралық байламдардың ligamentum sacroiliacum ventrale, dorsale dorsal, longum көмегімен жүзеге асады. Құйымшақ-мықын буыны - ligamentum sacrospinosum et tuberosum құйымшақ сүйегінен бүйірінен бастап мықын ойысы мен мықын сүйегіне дейін өтеді.
Жамбас-ортан жілік буыны - articulatio coxofemoralis, қарапайым, көпбілікті буын. Ол жамбастың ұршық ойығы мен ортан жіліктің ұршық басының байланысуынан пайда болған. Буында буын қапшығы, ұршық ойысының көлденең байламы мен ортан жіліктің ұршық басын жамбастың ұршық ойысымен байланыстыратын буынішілік байламдар болады. Сурет-25. Жамбас сүйегінің байланысы. А – ірі қара мал, Б – жылқы, В – іш жаңынан көрініс. 1 – мықын сүйегі, 2 – құйымшақ сүйегінің білікті өсіндісі, 3 – шонданай сүйегінің төмпешігі, 4 – құйымшақ-мықын дорсальды қысқа байламы, 5 - құйымшақ-мықын дорсальды ұзын байламы, 6 - құйымшақ-шонданай байламы, 7 – үлкен шонданай сүйегінің тесігі, 8 - кішкентай шонданай сүйегінің тесігі, 9 - жамбас-ортан жілік буынының дөңгелек байламы, 10 – қосымша байлам, 11 – ойыстың көлденең байламы. Тобық буыны - articulatio genus – күрделі, бірбілікті буын. Бұл буын өз кезегінде ортан жілік-сирақ, ортан жілік-тобық және проксимальды сирақ сүйектері аралық буындарынан құралады. Ортан жілік-сирақ буыны - articulatio femorotibiaiis – ортан жілік пен асықты жілік айдаршықтарының буындасуы нәтижесінде түзіледі. Бұл сүйектердің айдаршықтарының буын беттері бір-біріне сәйкес келмегендіктен, олардың араларында латеральды және медиальды менискалар бар Буын қапышқ, бүйірлік және крест тәріздес байламдардан тұрады. Латеральды бүйірлік байлам - ligamentum collateralе laterale, медиальды бүйірлік байлам - ligamentum collаterale mediale және крест тәріздес байлам - ligamentum cruciatum. Ортан жілік-тобық буыны - articulatio femoropatellaris - тобық пен ортан жіліктің дистальды эпифизіндегі тобық шығырының буын бетінің жанасуынан түзілген. Тобық сүйегінен асық сүйегіне дейін латеральды бүйірлік байлам - ligamentum femorоpatellare laterale, медиальды бүйірлік байлам ligamentum femoropatellare mediale және түзу байлам - ligamеnta recta өтеді. жүктеу/скачать 2,63 Mb. Достарыңызбен бөлісу:
|