Жауапты редакторлар: ҚР ҰҒА академигі, филология ғылымдарының докторы, профессор Р. Сыздық
жүктеу/скачать 3,26 Mb. Pdf көрінісі
|
| Жат тіл үйренудің мақсаты.
Жат тіл үйренудің мақсаты үшеу: 1) Тіл ілімі үшін үйрену, 2) Тəрбие алу үшін үйрену, 3) Тұрмыстағы мұқтажын өтеу үшін үйрену. Тілді ілім үшін үйренетін тіл мамандары. Олар тілді үйреніп, ол тілдің заңын ашуға, ол тіл мен сөйлеген елдің тариқын, тұрмысын білуге тырысады. Мəселен, орыс оқы- мыстары түрік тілін зерттейді. Сол тіл арқылы түрік елдерінің өткен күндері мен, осы күнгі күйі мен танысады. Бұл күнгі қазақ тілін оқитын орыстың да, орыс тілін үйреніп жүрген қазақтың да мақсаты бұл емес. Жат тілді тəрбие алу мақсаты мен үйрену мектепте бола- ды; иə өз беті мен оқытушы алып оқығанда болады. Онда- ғы мақсат бір елдің тілін біліп, сол елдің əдебиеті мен, мəдениеті мен танысып, білімін кеңіту; сол елден жағысып білім алу. Қала берді тілдің өзі де пизик, математик сияқты адамның білімін арттырып тəрбие беруге себеп болады. Осы күні қазақтың бір қатар азаматтары неміс, ағылшын тілдерін үйреніп жүр. Қазақ балалары мектепте неміс тілін үйреніп жүр. Міне бұлардың мақсаты жат тілден тəрбие алу. Тұрмыс мұқтажын өтеу үшін тіл үйренушілер – бір ел мен қоян қолтық араласып, сол тілде жазада, оқи да білу үшін бо- 528 529 лады. Осы күнгі орыстар қазақ тілін, қазақтар орыс тілін осы мақсат пен оқып жүр. Мақсатына қарай жат тілдің үйрету əдістері де түрлі бо- лады; оқытатын деректері де басқаша болады. Бізге кере- гі тұрмыстағы мұқтажды өтеу үшін тіл оқытудың əдістері, тұрмыс үшін жат тіл үйреткенде материал елдің өз тілінен, сөйленіп жүрген тілден алыну керек; қалықтың өткір сөздері, газет-жорнал материалдары, оқушының тұрмысында көп ұс- талатын сөздер болу керек. Орыстарға қазақ тілін үйрету- дің пырағырамын білім ордасы бекітіп шығарған. Сондықтан пырағырам жайын сөз қылмаймыз. Тек əдіс жағын ғана көр- сетеміз. жүктеу/скачать 3,26 Mb. Достарыңызбен бөлісу:
|