Байтасұлы Абдолла ҚАЗАҚША БІЛУ КЕРЕК Осы күнгі қазақ қызметкерлерінің көбі орысша сөйлейді,
орысша жазыб-сызады, қазақшадан көбі құр алақан. Бұлай
болуының іске бөгеттігі көб.
Қазақшаландыру жұмысының басталғанына екі-үш жыл-
ға аяқ басты, бірақ, əлі күнге дейін еөңілдегідей болмай
келеді. Оған себеб – қазақ қызметкерлерінің қазақша жазыб
сызуға шорқақтығы. Қазақ өз жазуын өзі білмей тұрғанда,
орысты қазақшы жүргізбедің деб қай орысқа өкбелеуге ой.
Қазақ қызметкерлері қазақша оқыб, жазу білуге əуестенсе,
олардың мұғалімі де, мектебі де газет болмақ. Газет арқылы
қазақтың əдебиет тіліне ие болыб, қазақыландыру жұмысын
іске асырмақ.
Жақын арада қаладағы қазақ қызметкерлеріне газет алдырту
жұмысы мен мекемелерді аралағанымызда кейбір қызметкер-
лердің газетке көзқарастары мақтарлық емес бе дедім.
Мекемеге кіріб «Сендерде қазақ газеттері бар ма? деп сұ-
растырыб көргенде, бұл не деген сұмдық дегендей кейбі-
реулер көзін алартыб, кейбірі ернін тұжырыб: бізде қазақ
газеті болмайды, оқыйтын адам жоқ, не алдыруға мекеменің
ақшасы жоқ» дегендей есітесің. Бүйтіб отырғанда қазақ тілін
дұрыс жүргізу қиын ғой. Қазақ азаматтарының қазақ тіліне
селқос қарауы кешілмейтүн күнə.
Қызғалдақ
