Жазылу «Қазпошта», «Эврика Пресс», «Сенім» баспаханасы

Р.S

Иə, əлем біріншілігінде талай тартысты ойындар өтіп жатыр.Талай команданың ойыны 

əлі  алда.  Дегенмен,  галактика  саналатын  Аргентинаның  Боснияны  əрең  ұтқаны  таң 

қалдырды.  Алаөкпе  болған  команданың  тобы  ең  əлсіз  топ.  Боснияға  қарсы  ойында  қара 

терге  малшынған  Марадонаның  ізбасарлары  плей  офта  қайтер  екен?  Алпауыттар  талап 

тастауға тас түйін дайын ғой. Сосын, Коста Риканың қанша шақырымға шабатыны қызық. 

Келесі  ойында  спринтер  болмаса  марафонист  екені  мəлім  болмақ.  Айтпақшы,  алғашқы 

күндері  гол  жаңбырдай  жауған  біріншіліктің  кейінгі  ойындары  голға  сараң  бола  бастады. 

Нақтырақ  айтсақ,  Бразилия  мен  Мексика  арасындағы  матчта  таблодағы  көрсеткіш  ойын 

соңына дейін сақталса, Ресей мен Оңтүстік Корея арасындағы ойында бар болғаны 2 гол 

соғылды.  Бұған  дейін  Мексика  мен  Камерун  арасындағы  ойында  ғана  гол  аз  соғылған 

болатын. Қос команда бар болғаны бір ғана голға риза болып тарқасқан-ды. Əзірге ең көп 

гол  соғылған  ойын – Испания – Голландия  матчы.  Аталмыш  матчта 6 доп  қақпа  торынан 

табылса,  оның  бесеуін  Нидерланды  корольдігінің  футболшылары  салғаны  есте.  Алдағы 

ойындарда  қай  команда  нəтижелігімен  көзге  түседі?  Қай  команданың  тауы  шағылады. 

Фавориттер  қаншалықты  қауқарлы?  Бапкерлердің  тапқырлығы  қай  деңгейде?  Міне,  осы 

сұрақтардың бəрін терең талдайтын боламыз. Бізбен бірге болыңыздар. 

Мундиал

НИДЕРЛАНДЫ МЕН ГЕРМАНИЯ СЕНІМДІ КЕЛЕДІ

11

19 маусым,

№25 (453)

СЕРГЕК

СЕРГЕК

ТӨРТКҮЛДҮНИЕНІҢ  АЛА  ДОПҚА  АРБАЛҒАН  ЖАНКҮЙЕРЛЕРІНІҢ  НАЗАРЫ  БРАЗИЛИЯ  ЕЛІНДЕГІ 

12  СТАДИОНҒА  АУЫП  ТҰР.  КҮЛЛІ  ФУТБОЛСҮЙЕР  ҚАУЫМ  САҒАТТЫҚ  БЕЛДЕУДІҢ  ҚАРАМА-

ҚАЙШЫЛЫҒЫНА ҚАРАМАСТАН КӨГІЛДІР ЭКРАНҒА ТЕЛМІРІП, ТҮН ҰЙҚЫСЫН ТӨРТ БӨЛЕДІ ЕНДІ. 

ИƏ, ЖҰМЫР ЖЕРДІҢ НАЗАРЫ ТЕҢБІЛ ДОПҚА БІР АЙ БОЙЫ АУАДЫ.

БРАЗИЛИЯ ЕЛІНДЕ ӨТІП ЖАТҚАН ФУТБОЛДАН ƏЛЕМ БІРІНШІЛІГІ КҮН ӨТКЕН САЙЫН ҚЫЗЫП 

КЕЛЕДІ.  ЖЕР-ЖИҺАН  КӨЗ  ТІККЕН  МУНДИАЛДА  БƏСІ  ЖОҒАРЫ  КОМАНДАЛАР  СЕНІМДІ  ТҮРДЕ 

ЖЕҢІСКЕ  ЖЕТКЕНІМЕН,  АЛҒАШҚЫ  ТУР  НƏТИЖЕЛЕРІНДЕ  СЕНСАЦИЯ  ДА  ОРЫН  АЛДЫ.  ЛУЙС 

СУАРЕС СЫНДЫ АҒЫЛШЫН ПРЕМЬЕР ЛИГАСЫНЫҢ ҮЗДІГІНЕ ҮМІТ АРТҚАН ОҢТҮСТІК АМЕРИКА 

ҚҰРЛЫҒЫНЫҢ  ҮЗДІГІ  УРУГВАЙ  ҚҰРАМАСЫ  ШАБУЫЛШЫСЫ  АЛАҢҒА  ШЫҚПАП  ЕДІ  ФОРЛАН 

БАСТАҒАН  ЖІГІТТЕР  ЖЕРГЕ  ҚАРАТТЫ.  ОЛАР  КОСТА-РИКАҒА  ЕСЕ  ЖІБЕРІП  АЛДЫ.  ОСЫЛАЙША 

КӨЛЕҢКЕДЕГІ ҰЖЫМ ФАВОРИТТІ ҰТЫП КЕТТІ. ЕНДІ ҚАЛҒАН ОЙЫНДАР ТУРАЛЫ СӨЗ ЕТЕ КЕТЕЙІК.

КОРОЛЬДЕРДІҢ КОРОЛІ

Нидерланды  мемлекеті  қысқы  спорт  түрімен 

ғана  емес,  футболымен  де  мақтана  алады. 

Шынашақтай  баласы  көк  майсада  еркін  көсілетін 

елдің футболының да жөні түзу, жібі сабақтаулы. Ван 

Бастеннің, Патрик Клюйверттің ізін жалғаған жастар 

ылғи  да  аяқдоптың  аршынды  дамуын  қаперден 

шығарған емес.Тасқа жазылған тарихты қазбаламай-

ақ  қоялық.  Ылғи  да  бір  дəрумен  жетіспейтін  бұл 

елдің бас командасы əдеттегідей біріншілікті сенімді 

бастады.  Корольдік  корольдіктің  тас-талқанын 

шығарды. Дəл осы ойынды «Еуразия» арнасындағы 

көріпкел көжек дəл болжап берді. Испания корольдігі 

жеңіске  жетеді  деп  жанкүйерлер  қызылкеңірдек 

болғанымен,  көжек  Нидерланды  жалауын  таңдады. 

Сондағы  сəбізді  жеді.  Ал,  сұр  жейделілер  Испания 

корольдігінің  тас-талқанын  шығарды.  Есеп 5-1. Бұл 

осыдан 4 жыл бұрын өткен финалдағы есені еселеп 

қайтарды деген сөз.

Бір байқағанымыз, Испания құрамасының негізгі 

қақпашысы  Икер  Касильяс  қартайыпты,  ойынынан 

əр  тайыпты.  Жерар  Пикенің  де  ойыны  сылбыр 

болды.  Қауіпті  сəттерде  қорғаныс  шебінде  өрескел 

қателіктерге  бой  алдырды.  Өз  аяғына  өзі  ие  бола 

алмай, тəлтіректеп жүрді. Құстай зулап келіп, былғары 

зымыранды апандай қақпаға қақырата бағыттайтын 

Ван Перси, Роббендер мұндай қателіктерді кешірсін 

бе?  Серхио  Рамосты  да  танымай  қалдық.  Əлде 15 

нөмірлі жейде киіп, өзін шабуылшы ойлап қалды ма 

екен? «Реал» мен «Барселона» ойыншылары алаңда 

не үшін жүргендерін ұмытып қалғандай. Роббенге таң 

қалдық. Жыл өткен сайын жылдамдығы, пластикасы 

толысу  үстіне  толысып  келеді.  Ол  чемпиондар 

лигасының  финалы  үшін  Касильястан  кек қайырды. 

Ал,  Ван  Персидің  голын  енді  бұл  мундиалда  ешкім 

қайталай қоймас. Бір сөзбен айтқанда, Нидерланды 

бұл  біріншілікте  топ  жаруға  лайықты  өнер  көрсетті. 

Бірақ,  соңғы  сəтке  дейін  ойыны  қожырап  кетпес  пе 

екен?

Айтпақшы, 

əлемнің 

соңғы 

чемпиондарын 

ірі  есеппен  іремей  жеңген  Нидерланды 

корольдігіне Чили құрамасы да, Австралия 

елі  де  мардымды  қарсылас  бола 

қоймас.  

СКУАДРА АДЗУРРА

Италия  əлем  чемпионы  деген  атақ  жағынан 

Бразилияға ғана жол беріп тұр. Бұлар 4 дүркін əлем 

чемпионы!  Бұл  біріншілікте  таро  лақтыратындар 

Италия  құрамасын  ұмытып  кеткен  сияқты.  Елемей 

де тастады. Букмекерлік кеңселердің көріпкелдері де 

шатасып  қалды.  Англияға  қарсы  аутсайдер  қылды. 

Сол аутсайдерлер не істеді? Италия Буффонсыз да 

Италия!  Мұны  естен  шығармау  керек!  Көлеңкедегі 

фавориттердің  бірі  ғой  бұл  ел!  Олар  Ұлыбритания 

құрамасын 2-1 есебімен  жеңді.  Жəне  топтан 

шығатын мүмкіндіктері де мол... Италияны мамандар 

көлеңкеде қалдырғанымен дəл осы ұжым кез келген 

команданың аяғын аспаннан келтіретін қауқарға ие. 

«Скуадра  адзурра»  қалай  болған  күнде  де  Роберто 

Баджоның ізбасарлары. Қорғаныс арқылы ойнайтын 

ұжымның  қарсы  шабуылдары  кез  келген  ұжымның 

қорғаныс шебін бұзып жарып өтетін қауқарға ие. 

ЖƏУДІРКӨЗ КАКА, ОЙШЫЛ ОСКАР

Пентакампеондар  туралы  əңгіме  тіптен  бөлек. 

Пеленің ізбасарлары əрдайым бабында. 2002 жылы, 

яғни  осыдан  бір  мүшел  бұрын  Роналдо,  Ривалдо, 

Роналдиньо  үштігі  əдемі  «тандем»  құрап  еді.  Биыл 

бір  мүшел  өтті. 1994 жылдан  кейін  араға  сегіз  жыл 

салып барып əлем чемпионы болған Бразилия енді 

бұл мəселені кері ысырып қоюға уақыты жоқ. Мейлі, 

көбікауыздар  Бразилияға  шымылдық  түрер  матчта 

төрешілердің  бүйрегі  бұрды  десін,  Хорватияға 

қақпан  құрды  десін,  Неймар  қос  голдың  бірін 11 

метрліктен  ұрды  десін,  ол  дəтке  жүрмейді!  Ереже 

бұзылды!  Неймардың  қасындағы  Фред  те,  Оскар 

да  Неймармен  бірлесіп,  трио  құруға  дайын  екенін 

аңғартты. Оған демеу болатын Давид Луйиз сынды 

дирижерді,  Марсело  бастаған  оркестр  мүшелерін 

қоссаңыз,  бұлардың  ойынынан  пластика  да, 

қойылым да көруге дайынсыз деген сөз. 

Айтпақшы, 

Бразилияның 

чемпион 

болуға 

лайықты екенін айттық. Тек, Каканың жəудіреген көзі 

көз алдымнан кетпей қойды. Əттең, Сколари қосалқы 

құрамда  ұстап, 5 минутқа  болса  да  шығара 

салғанда ғой. Ойын практикасы əлі де бар. Ал, 

Оскардың  ойынында  футбол  философиясы 

бар  сияқты  көрінді.  Ойланып  барып  əрекет 

жасайды. Бұл плюс. 

Иə, екінші айналымдағы ойында Бразилия 

Мексика  құрама  командасынан  айласын 

асыра  алмады.  Бірақ,  ойында  территориялық 

басымдыққа  ие  болғанын  ешкім  жоққа  шығара 

қоймас.  Гильермо  Очоа  нағыз  батыр,  қаһарман, 

жанкешті  екенін  байқатты.  Əйтпесе,  Неймардың 

баспен  бағыттаған  соққысы  тіпті  қақпадан  басқа 

барар  жері  жоқ  еді.  Ал,  Гильермо  болса  еш 

саспай,  созыла  секіріп,  допты  қақпаның  сызығынан 

кері  қайтарды.  Тамаша  сейф  жасады.  Дəл  осы 

қақпашы  бір  емес,  бірнеше  мəрте  өз  командасын 

100  пайыздық  голдан  аман  алып  қалып  жатты.  Иə, 

бұл  ойынның  басты  қаһарманы  сол  Гильермо!  Рас, 

Мексика құрама командасы ара-тұра қарсы бағытта 

шабуылдар  ұйымдастырды.  Дегенмен,  олардың 

жасаған  шабуылдары  дəл  Бразилиянікіндей  қауіпті 

шықты  деу  қисынға  келмейді.  Осы  ойыннан  кейін 

Бразилияның чемпиондық тəжді иеленетін мүмкіндігі 

шектеулі деген де пікірлер легі интернет иірімдерінде 

белең ала бастады. Дегенмен, пентакампеондар күн 

өткен  сайын  бабына  келетін  арғымақ  сияқты  екенін 

ескерсек, бұл ұжымды чемпиондықтан үміткерлердің 

санатынан  дəл  қазір  сызып  тастауға  болмайды. 

Дəл  осы  ұжым  жеңіліп  тұрып-ақ  жеңісті  тартып 

алатын  қауқары  бар.  Иə,  жыланды  екі  рет  кессең 

де  кесірткеге  жететін  шамасы  болады.  Мұны  əсте 

қаперден шығармаған лəзім деп ойлаймыз. 

БУНДЕСТИМ БАБЫНДА

Біріншілік  басталғалы  бері  ең  қызықты  матч 

атауына ие болған Германия – Португалия ойынында 

немістер  байырғы  қарсыластарының  тас-талқанын 

шығарды.  Шыны  керек,  Португалия  құрамасы 

немістердің 

алдында 

соншалықты 

дəрменсіз 

болады  дегенге  ешкім  сенбегені  де  ақиқат.  Төреші 

ысқырығы естіле салысымен алғы шепке лап қойған 

неміс машинасын тоқтатам деген Перейраның үміті 

ақталмады.  Жылдамдығы  жетпеді.  Жүрісі  шабан 

сияқты  көрінді.  Ойын  ережесін  бұзды. 11 метрлік 

айып  добын  орындауға  бекінген  Томас  Мюллер 

былғары снарядты қақпаның оң жақ бұрышына қадай 

салды.  Гол!  Бұдан  кейін  еуробразилиялықтардың 

ойыны  жүрмей-ақ  қойды.  Тіпті,  қожырап  кетті  десек 

те  боларлықтай.  Алтын  доптың  иегері  Криштиану 

Роналдуды  паспен  қамтамасыз  етуге  тиісті  Нани 

де,  Коентрау  да  мардымды  ойынымен  көзге  түсе 

алмады.  Жарақатынан  толық  айықпаған  Роналду 

да  көзге  түсудің  жолдарын  қарастырғанымен, 

бабы  келмеді.  Команда  онсызда  қиын  жағдайға  тап 

болған  кезде  бұзақы  мінезімен  танымал  қорғаушы 

Пепе  Томас  Мюллерді  басымен  түйреп,  ойыннан 

қуылды. Осылайша  онсызда  есепте  ұтылып  жатқан 

əріптестерін  қиын  жағдайда  қалдырды.  Ұрымтал 

сəтті  ұтымды  пайдаланған  «Бундестим»  есепті 

еселей  түсті.  Бұрыштамадан  көтерілген  допты 

қақпаға  бар  пəрменімен  бағыттаған  Мюллердің 

соққысы  зая  кетпеді.  Есеп 2-0. Ойыншыларының 

саны  азайған  Португалияның  ойыны  одан  бетер 

сүреңсіз бола бастады. Мұндай ұтымды мүмкіндікті, 

сылбыр 

ойынды 

бундес 

команда 

қажетіне 

жаратпағанда  қайтсін?  Айтып-айтпай  не  керек, 

Хуммельс те қанжығасын майлады. Бірінші таймның 

өзінде  үш  доп  айырмасымен  ұтылып,  нокдаун 

алған  Португалия  құрамасы  екінші  таймда  да 

тартысты  футбол  көрсете  алмады.  Ара-тұра  қарсы 

шабуылдар ұйымдастырғанымен шешуші сəтте мүлт 

кетіп  жатты.  Соққылары  жойқын  шықпады.  Нани 

əдеттегідей Криштиануға пас бермей, далақтап жүріп 

алды.  Ол  аз  десеңіз,  команданың  шабуылшысы 

Алмейда  жараақат  алып,  Бенту  мəжбүрлі  түрде 

ойыншы  алмастырды.  Одан  кейін  Коентрау 

аяғын  қайырып  алды  да,  ол  да  ойыннан  шығып 

қалды.  Негізгі  құрамдағы  ойыншылар  осылайша 

ойыннан  тыс  қалды.  Қырсық  бір  айналдырса, 

шыр  айналдырадының  кері  осы  болды.  Негізгі 

құрамдағы  ойыншылары  жарақат  алып  қалған 

соң,  Португалияның  қорғанысы  тіпті  ыдырай 

бастады. Қарсы шабуылдардың бірінде Томас 

Мюллер хет трик жасап, ойынға нүкте қойды. 

Осылайша  Германия  Португалияны 4-0 

есебімен  ойсырата  ұтып,  өз  тобында 

көш  тізгінін  қолға  алды.  Иə, 

Португалия  құрама  командасы 

осымен  үшінші  мəрте  ресми 

ойында 

алманиялықтардан 

айласын 

асыра 

алмады. 

Бұл  синдром  қашанға  дейін 

жалғасады екен? Осы ойыннан 

соң  Португалияны  моральдық 

тұрғыда 

«сынып» 

қалды 

дейтіндердің қатары көбейе бастады. 

Гана  мен  АҚШ  секілді  ұжымдарды 

жеңбесе  еуробразилиялықтардың  топтағы  жағдайы 

мүшкіл болмақ. 

ФЕЛЛАЙНИ ҚҰТҚАРУШЫ

«A», «B», топтарының 

фавориттері 

Бразилия 

мен 

Голландия екенін айтып өттік.  Енді 

соңғы  болып  ойнаған «H» тобына 

ауысайық. Бұл топтың басты фавориті 

ретінде  Бельгия  құрама  командасын 

айтып өткен жөн шығар. Негізінен Эден 

Азар, Ромель Лукаку, Ван Бюйтен, Винсен 

Компани, Маруан Феллайни сынды жарқын 

жұлдыздары бар дəл осы ұжым соңғы рет 

2002 жылы əлем біріншілігіне қатысқан 

болатын.  Тарих  қайталанды.  Дəл 

сол  біріншілікте  Бельгия  құрамасы 

Ресеймен бір топқа түсіп, Жапония 

екеуі  топтан  шыққан.  Биыл  бұл 

квартетте  Жапонияның  орнын  басқа 

бір азиялық команда – оңтүстік Корея 

басып  отыр.  Шыны  керек,  Бельгия 

құрама  командасы  тұсаукесер  ойында  Африканың 

белді  ұжымдарының  бірі  саналатын  Алжир  құрама 

командасын  қиналмай  жеңеді  деген  сөздер  көп 

айтылған  болатын.  Жоқ,  олай  болмай  шықты. 

Қара  құрлықтан  келген  құрама  кəрі  құрлықтың 

белді  командасын  əбден  састырды.  Ойын  бастала 

салысымен Азар бастаған жігіттер шабуылда желдей 

жүйткіп,  өнер  көрсетеді  деген  мамандар  болжамы 

жоққа  шықты.  Тіпті,  жанкүйерлер  қауымы  алғашқы 

он  минуттықта  Азар  бастаған  жігіттердің  ойынынан 

азар  да  безер  болды.  Ойынның  алғашқы  таймы  өз 

экваторынан  ауа  бергенде  Алжир  құрамасының 

шабуылшысы  Фегули  айып  алаңына  андыздай 

енгенде Вертонген оны шалып шықты. Ойынның бас 

қазысы  Родригес  Мартено  еш  ойланбастан  нүктені 

көрсетті.  Мұндай  мүмкіндікті  Фегули  мүлт  жіберсін 

бе? «Атлетико»  сапында  жасындай  жарқыраған 

қақпашы  Тибо  Куртуа  командасын  құтқара  алмады. 

Есеп  1-0.  Алжир  құрама  командасы  бұдан  кейін 

тоқмейілсімеуі  керек  еді.  Алайда,  олар  қорғанысқа 

жамбастап  жатып  алды.  Осы  сəтті  күткен  Бельгия 

құрамасының  жұлдыздары  допты  бақылауда 

ұстап,  шабуылды  үсті-үстіне  жаудырды.  Дегенмен, 

алғашқы  таймда  толассыз  шабуыл  өз  нəтижесін 

бере қойған жоқ. 

Ойынның  екінші  бөлігінде  Бельгия  құрама 

командасының  бас  бапкері  Марк  Вильмотс 

алаңдағы  ойыншыларды  алмастыруды  бастады. 

Алдымен  алаңға  Дрин  Мертенсті  шығарып  көрді. 

Ойын  болса  əлі  де  жүрер  емес,  Шадлидің  орнына 

шыққан  Мертенс  жалғыз  өзі  түк  бітірмесін  түсінген 

соң  Вильмотс  ұзақ  ойланбастан  алаңға  Маруан 

Феллайниді жіберуді жөн деп тапты. «Манчестер 

Юнайтед»  командасының  сапында  жасындай 

жарқырап  жүрген  сұңғақ  бойлы  жартылай 

қорғаушы  бапкер  үмітін  ақтады.  Ойынның 

жетпісінші  минутында  əріптесі  əуелете  асырған 

пасты  кəдесіне  жаратқан  Маруан  теңбіл  допты 

Мболи қорғаған қақпаға 

баспен  қадай  салды. 

Есеп  теңескен  соң,  Бельгия 

құрама  командасы  тіптен  энергиясы 

артып  шыға  келді.  Лукакудың  орнына 

шыққан  Ориги  де,  Дрис  Мертенс  те,  Феллайни  де 

Алжир  қорғанысын  кезек-кезек  бұзып  өтіп  жатты. 

Толассыз  жасалған  шабуыл  өз  нəтижесін  бермей 

қойсын  ба?  Ақыры  Шадлиді  алмастырған  Дрис 

жеңіс  добын  соқты.  Иə,  алаңға  қосалқы  құрамнан 

шыққан  ойыншылар  Бельгияға  жеңісті  сыйлады. 

Енді  сіз  Марк  Вильмотсты  көреген  бапкер  демей 

көріңіз...

Бұл  ойында  Бельгия  допты  да  ұзақ  бақылады, 

қауіпті  шабуылдарды  да  бірінен  соң  бірін 

ұйымдастырды.  Ақыры  қажетті  нəтижеге  қол 

жеткізіп тынды. 

жүктеу/скачать 16,38 Mb.

Достарыңызбен бөлісу: