Жеке табыс салығЫ
Төлем көзінен салық салуға жататын кірістер
жүктеу/скачать 122,38 Kb.
|
- Бұл бет үшін навигация:
- Жеке тұлға дербес салық салуға жататын кірістер 330-бап. Мүліктік кіріс
| Төлем көзінен салық салуға жататын кірістер
Жұмыскердің кірісі 1. Салық агенті болып табылатын жұмыс беруші есепке жазған және, оның ішінде Қазақстан Республикасының бухгалтерлік есеп пен қаржылық есептілік туралы заңнамасына сәйкес жұмыс берушінің бухгалтерлік есебінде шығыстар (шығындар) ретінде танылған мынадай кірістер жұмыскердің салық салуға жататын кірістері болып табылады: 1) еңбек қатынастарының болуына байланысты жұмыс беруші жұмыскердің меншігіне беруге жататын, қолма-қол және (немесе) қолма-қол емес нысандарындағы ақша; 2) осы Кодекстің 323-бабына сәйкес жұмыскердің заттай нысандағы кірістері; 3) осы Кодекстің 324-бабына сәйкес жұмыскердің материалдық пайда түріндегі кірістері. 2. Қазақстан Респбликасының немесе шет мемлекеттің заңнамасына сәйкес жасалған еңбек шарты (келісімшарты) бойынша алынған (алуға жататын) кіріс салық агенттері болып табылмайтын тұлғалардан алынған (алуға жататын) жұмыскердің салық салуға жататын кірісі болып табылады. 3. Жұмыскердің салық салуға жататын кірісіне мынадай кірістер жатпайды: 1) жеке тұлғаның салық агентінен алатын кірісі; 2) зейнетақы төлемдерi түріндегі кіріс; 3) дивидендтер, сыйақылар, ұтыстар түрiндегi кіріс; 4) стипендиялар; 5) жинақтаушы сақтандыру шарттары бойынша кіріс; 6) жеке тұлға дербес салық салуға жататын кірістер. Жеке тұлға дербес салық салуға жататын кірістер 330-бап. Мүліктік кіріс 1. Жеке тұлғаның салық салуға жататын мүліктік кірісіне мыналар жатады: 1) жеке тұлға осы Кодекстің 331-бабында көрсетілген Қазақстан Республикасындағы мүлікті өткізу кезінде құн өсімінен түсетін кіріс; 2) жеке тұлғаның Қазақстан Республикасының шегінен тыс жердегі көздерден алынған мүлікті өткізуден түсетін кірісі; 3) жеке тұлға осы Кодекстің 333-бабында көрсетілген мүлікті (ақшадан басқа) жарғылық капиталға салым ретінде беру кезінде құн өсімінен түсетін кіріс; 4) дара кәсіпкер болып табылмайтын жеке тұлға мүлікті салық агенттері болып табылмайтын тұлғаларға мүліктік жалдауға (жалға) беруден алған кіріс; 5) талап ету құқығын, оның ішінде тұрғын үй құрылысына үлестік қатысу туралы шарт бойынша тұрғын үйдегі (ғимараттағы) үлесті талап ету құқығын басқаға беруден түсетін кіріс; 6) шағын бизнес субъектілері үшін не шаруа немесе фермер қожалықтары үшін арнаулы салық режимін қолданатын дара кәсіпкердің осы Кодекстің 334-бабында көрсетілген өзге активтерді өткізуі кезінде құн өсімінен түсетін кіріс. 2. Осы баптың 1-тармағы 1), 2) және 3) тармақшаларының ережелері жеке тұлғаларға, оның ішінде шағын бизнес субъектілері үшін не шаруа немесе фермер қожалықтары үшін арнаулы салық режимін қолданатын дара кәсіпкерлерге қатысты қолданылады. 3. Мүліктік кіріс дара кәсіпкердің кірісі, жеке практикамен айналысатын адамның кірісі болып табылмайды. жүктеу/скачать 122,38 Kb. Достарыңызбен бөлісу:
|