Пән бойынша тапсырмаларды орындау және тапсыру кестесі

5.Дәріс кешені

1. Табиғат пайдалану экономикасының пәні, мақсаттары және зерттеу әдістері

2. Табиғат ресурстары-табиғат пайдалану экономикасының объектісі ретінде

3. Табиғат ресурстарының жіктелуі

1. 
   Табиғат пайдалану экономикасының пәні, мақсаттары және зерттеу әдістері
   

Табиғат пайдалану экономикасы адамның өмір сүру ортасының табиғи, әр кезде ауыспалы жағдайларын және қоғамның қоршаған табиғи ортаны пайдалану деңгейін зерттейді.

Табиғат пайдалану экономикасының пәні – қоғамдық өндіріс кезінде қалыптасатын қоғам мен табиғат арасындағы экологиялық , экономикалық қатынастар болып табылады:

Табиғат пайдалану экономикасының негізгі мақсаттары:

• 
  қазіргі жағдайдағы табиғат пайдалану проблемаларын анықтау және талдау жүргізу;
  
• 
  табиғат ресурстарын пайдалану бағыттарын, оның құрамын, жағдайларын сипаттау;
  
• 
  экологиялық және экономикалық паоблемаларды өзара байланыста зерттеу және оларды шешу тәсілдерін анықтау;
  
• 
  пайдаланудың қоршаған орта жағдайына әсер етуін бағалау ;
  
• 
  табиғатты тиімді пайдаланудың экономикалық механизмдерін сиппатау;
  
• 
  табиғат байлығын экономикалық бағалау әдістерін, табиғи ортаны бүлдіруден, табиғи байлығын ысарап етуден келетін зиян мөлшерін есептеу әдістерін зерттеу;
  
• 
  табиғат байлығын тиімді пайдалануды табиғи ортаны қорғауды басқарудың экономикалық механизмін, оны жетілдіру бағыттары мен жолдарын зерттейді.
  

Табиғат ресурстары – бұл адам заттың өмір сүру жағдайлар жиынтығының бөлігі, оны қоршаған ортаның маңызды компоненттері қоғамның материалдық және рухани қажеттіліктерін қанағаттандыру үшін өндіріс процесінде қолданады.

Олар елдің әлеуметтік – экономикалық потенциалын анықтап қана қоймайды, сонымен қатар, қоғамдық өндіріс тиімділігін және денсаулық, тұрғындардын өмірінің ұзақтығын анықтайды.

Табиғат ресурстарын екі топқа бөледі:

• 
  Нақты табиғат ресурстары- өндіргіш күштер мен өндірпіс қатынасының белгілі бір кезеңінде адамдар кәдесіне жарап жүрген ресурстар. Бұларға пайдаланып жүрген құнарлы жерлер, әр түрлі өсімдіктер, балықтар, мұнай, газ, электр энергиясы және т.б жатады.
  
• 
  Потенциалды табиғат ресурстары қатарына әзірше әр түрлі себептермен пайдаланылмай жүрген реурстар жатады. Бұған күн көзі, жел энергиясы, теңіз ағыстары, және т.б жатады.