2. ҚР-дағы табиғат пайдалану мақсаттары мен дамуы
Табиғатты пайдалану – адамның қоршаған ортаның пайдалы қасиеттерін (экологиялық, экономикалық, мәдени және сауықтыру) пайдалану мүмкіншілігін айтамыз.
Жалпы табиғатты пайдалану арнайы рұқсатты қажет етпейді. Ол азаматтардың өздеріне тиісті табиғи құқықтары негізінде жүзеге асады. Басқалай айтқанда өмірлік қажеттіліктер қанағаттандыру үшін тегін табиғи ресурстар берілу арқылы жүзеге асады.
Табиғатты арнайы пайдалану заңды және жеке тұлғалардың жоғарғы уәкілетті органдардың рұқсаттары негізінде жүзеге асады. Арнайы табиғатты пайдалану табиғат ресурстарын тұтынумен байланысты. Ол негізінде ҚР табиғат ресурстарының арнайы негізінде құқықтық реттеледі: Жер кодексі, Су кодексі, Орман кодесі, Жануарлар әлемін пайдалану және қорғау заңдары негізінде.
ҚР табиғат пайдаланушылар заңды және жеке тұлғалар, мемлекеттік және мемлекеттік емес, ұлттық және шетелдік болып бөлінеді.
Ұлттық табиғат пайдаланушылар – ҚР азаматтары мен қазақстандық заңды тұлғалар, ал шетелдік табиғат пайдаланушыларға – шетел азаматтары, шетелдік заңды тұлғалар, шет мемлекеттер, халықаралық бірлестіктер мен ұймдар жатады.
Достарыңызбен бөлісу: |
