Тақырып 6. Су ресурстарын қорғау және тиімді пайдалану

1. ҚР-ның су ресурстары

2. Су ресурстарын тиімді пайдалану және қорғау

3. Су ресурстарын экономикалық бағалау

Табиғат ресурстарының ортасынан су ерекше орын алады. Себебі сусыз ешқандай тіршілік болмайды. Табиғаттағы су мұхиттарда, теңіздерде, көлдер мен өзендерде кездеседі. Мұхиттағы судың мөлшері (94%), жер асты сулары (4%), мұздар мен қорлардағы сулар (2%). Табиғат суларының бір ерекшелігі олардың өз-өзін тазалау қабілеттілігі, су өсімдерінің іс-әрекеті, суда таралатын заттар және судың үнемі айналымда болуында. Толық су көлемінің тазалуы мұхиттарда 2500 жыл, жер асты сылары – 1400 жыл, көлдер – 17 жыл, өзендер-16 күн, адам организмдерінде – бірнеше сағат.

Табиғи ресурс ретінде судың маңызы мынада:

1. өсімдіктер экожүйесінің, ауылшаруашылық өндірісінің өнімдерін арттырудың шешуші факторы ретінде;

2. энергия көзі ретінде;

3. барлық өнеркәсіп өндірісіндегі технологиялық процестер арасындағы жылуды алушы (салқындатушы) ретінде;

4. транспорттық магистраль ретінде;

5. халықтың мәдени-тұрмыстық, шаруашылық тұрмыстық және таза суға деген мұқтаждығын қанағаттандыру үшін;

6. әлемдік мұхиты биохимиялық процестер орталығы саналады, ол атмосфераның құрамын және газдың балансын сақтап қалуға ықпалын тигізеді.

ҚР орналасқан жер асты суларының жалпы көлемі 100 мың км3. Соның ішінде тұщы және аздап ащы судың көлемі 7-7,5 мың км3. Жер асты судың тұщы, тұщылау көлемі шөлейт аудандарының артезияндық бассейндерінде орналасқан.

ҚР территориясы бойынша 85022 көлдер мен өзендер ағып өтеді.