Пән/модуль сипаттамасы: Үлгілік оқу бағдарламасы Қазақстан Республикасы Білім және ғылым министрінің 2018 жылғы 31 қазандағы № 604 «Білім берудің барлық деңгейінің мемлекеттік жалпыға міндетті білім беру стандарттарын бекіту туралы» және Қазақстан Республикасының Білім және ғылым министірінің 2012 жылғы 8 қарашадағы № 500 «ҚР бастауыш, негізгі орта, жалпы орта білім берудің үлгілік оқу жоспарларын бекіту туралы» бұйрықтарына сәйкес әзірленген.
Жаңартылған мазмұнға сәйкес, Жаратылыстану-математика бағытына арналған информатика пәнінің үлгілік бағдарламасында 6 бөлім қарастырылған:
I. «Аппараттық және программалық қамтамасыз ету»;
II. «Деректерді ұсыну»;
III. «Ақпараттық процестер мен жүйелер»;
IV. «Ақпараттық объектілерді құру және түрлендіру»;
V. «Қосымшаларды әзірлеу»;
VI.«Компьютерлік желілер және ақпараттық қауіпсіздік»;
Қалыптастырылатын құзыреттіліктер: Мақсаты: "Информатика" пәнін оқу мақсаты білім алушылардың оқуы мен жұмысында компьютерлік технологияларды пайдалану дағдыларын қамтамасыз ету болып табылады. Білім алушыларға пайдалану үшін ең жақсы қосымшаларды анықтау барысында саналы түрде таңдау жасау мүмкіндігі берілу керек. Бағдарламаның басқа мақсаты білім алушыларға ақпараттық технологияларды пайдалану саласында терең білім беруді және бағдарламалық құралдар ғылыми, коммерциялық, инженерлік және мәдени дамуды қолдау үшін пайдаланылатынын түсіндіруді қамтамасыз ету болып табылады.
