Жүрсін Молдашұлы Ерманов
жүктеу/скачать 109,69 Kb.
|
Жүрсін Ерман
|
Жүрсін Молдашұлы Ерманов 12.2.1951 жылы Қарағанды облысы, Ұлытау ауданы, Қурайлы ауылында дүниеге келген – ақын, журналист, қазіргі айтыс өнерінің ұйымдастырушысы, Қазақстанның еңбек сіңірген қайраткері. Тұңғыш өлеңдер жинағы – “Жанартау” 1983 жылы жарық көрді. 1986 жылы “Арайлы күн, армысың” жыр жинағы үшін Қазақстан Жазушылар одағының М.Мақатаев атындағы сыйлығына ие болды. “Ұлытауға бардың ба?..” (1989), “Құдіретке жүгіну” (2005), “Екі тізгін, бір шылбыр” (2007) атты кітаптардың авторы. Өлеңдері мен поэма, балладалары адам, оның жан дүниесі, рухани құндылықтарын өзек етеді. «Құстың көлеңкесі», «Ырғай», «Арнадым сізге», «Көктөбедегі кездесулер», «Алыстан және жақыннан», "Гөй-гөй" т.б. кітаптары жарық көрген. Тәуелсіздікке тәуелділікЕй Аллаһ,Шашу етіп шаттығымды,Бұйырттың пешенеме сәтті күнді.Өзіңнің есіміңмен қатар қоямТәуелсіздік деген бұл тәтті ұғымды!Ұшырып азаттықтың құсын қолдан,Бабамның тұншыққанда ішінде арман.Қазақтың тарихында соғыс болса,Барлығы тәуелсіздік үшін болған.Шулатып шүршіт-қалмақ шапқанда елді,Болғандай бір әділет хақтан белгі.Дұғадай жыры ма едің Доспамбеттің,Ақ таң ба ең аңсап өткен Ақтамберді?!Шұбырған көші ме едің «Елім-айдың»,Суырған сесі ме едің Абылайдың?Сен менің тарихымды танымасаң,Тәуелсіздік!Мен сені танымаймын!Сен менің тарихымды оң бағала,Сен маған туысасың сонда ғана.Құлдықтан құлқым азат болған шақтаҚаймықпай қарсы барам бомбаға да!Болса егер дінім – дербес, тілім – бостан,Естілсе ғаламшарға үнім қосқан.Қазақ боп туғаныма қуана алсам,Көшер-ау көрген түстей мұңым бастан.Тапжылмас тұғырым боп тасы берік,Сен менің беремісің басыма ерік?Мен төрткүл дүниені шарлағанда,Қорғаштап жүремісің қасыма еріп?!Қоғамға басу айтып күнде өлермен,Саңқылдап мен сөйлесем мінбелерден,Алаштың сесі болып төбемде тұр,Түнермей темір торлы түрмелерден!Таптамай туған жердің гүлін ешкім,Келеді қадірімді біліп өскім.Көтеріп Қазақстан көк байрағын,Жүрейін дүрмегінде ұлы көштің!Көңілде халқым үшін қалмаса алаң,Болсын деп елім аман,Елбасы аман,Тілеуіңді тілеймін, Тәуелсіздік,Тәуменмін,Тәуелдімін онда саған!жүктеу/скачать 109,69 Kb. Достарыңызбен бөлісу:
|