«Абай» журналының бас мақаласы

(үзінді)

Қараңғы қазақ сахарасында мыңмен жалғыз алысып, жапа шеккен ағартушы Абайдың көздеген мақсаты халқын өнер-білімге, оқуға, отырықшылыққа, мәдениетті ел дәрежесіне жеткізу еді. Ұлы ақын Абай xалқының қамын жеп, елдің ұрпағына оқу оқып, өнер тап, әрекет қыл, нысапты, арлы, адал азамат бол. Адам баласын бауыр тұт, xалыққа, адамшылыққа қызмет ет – деді. Осы сықылды кемеңгер ойдың атына ескерткіш ретінде журналдың атын қоюды мақсат еттік.

Журналдың Абайға арналуындағы мақсат, оны қай жағынан болса жастарға ұстаз қылып бетке ұстау, олар ұлы данышпан ойшылдан үлгі алсын, шәкірт болып соңынан ерсе екен деген тілектен туып отыр.