Сабақтың әдіс- тәсілдері: Түсіндіру, сұрақ- жауап.
Сабақтың көргізбелігі: Я я әрпінің баспа, жазба кестесі, сюжетті суреттер,
Сабақтың барысы:
Ұйымдастыру кезеңі. Оқушыларды сабаққа дайындау. Психологиялық «Қысым-және босаңсу» жаттығуы.
Қатысушылар тік тұрып өздерінің оң қолдарына барынша қысым туғызады. Бірнеше секунд өткеннен кейін қолын босатады. Келесі қолына да осындай жаттығу жүргізеді
Үйге тапсырманы тексеру. 5- тапсырманың орындалуын сұрау. Берілген тапсырманы тексеріп, оқушылар еңбегіне талдау жасау.
Жаңа білімді меңгерту.
Қызығушылықты ояту.
«Бұзық телефон» ойыны арқылы тақырыпты ашу.
Құпия сөз «якорь» сөзі. Оқушының құлағына сыбырлап айтылып, бүкіл сыныпты аралайды. Кез келген оқушыны тұрғызып, бастапқы сөздің не екені сұралады. Дұрыс айтса мадақталып, алғысқа ие болады. Қателік жіберсе, сынып шешімі бойынша жазаланады. (Өлең, жұмбақ, жаңылтпаш айтады). «Якорь» сөзіне түсінік беріліп, сөздік жұмысы жүргізіледі.
Бүгін Я я әрпінің элементтерін жазып үйренеміз.
Дәптермен жұмыс жүргізу.
1 – тапсырма. Үлгіге қарап, әріп элементтері мен сөздерді арақашықтығы мен байланыстарды сақтап жазуға ұсынылады.
2 – тапсырма. Сөз тіркестерін сәйкестендіру. Көшіріп жазуға ұсыну.
Сергіту жаттығуы. Психогимнастика «Қарлығаш».
Қарлығаш керілді (қолдарымызды жоғары көтереміз).
Қолдарын жазды (қолымызды екі жаққа жазамыз).
Еңкейді (төмен қарай иілеміз, қолымызды төмен түсіреміз).
Шайқалды (екі жаққа қарай теңселеміз).
Алтын кілт тапты да, (қолымызды айқастырамыз).
Үйіне қайтты. (қолымызды жоғары көтереміз де бір орында тұрып, адымдаймыз).
3 – тапсырма. Өлеңді оқып шығып, көшіріп жазуға тапсыру.
Қ ұс ұясын бұзбайық.
Өсіруге баланы,
Құстар ұя салады.
Жасауға жұмсақ ұяны,
Жабағы жүнді жияды,
Жайлы қып жасап ұяны.
Жұмыртқасын салады,
Бір қуанып қалады.
Достарыңызбен бөлісу: |
