Зерттеудің ғылыми жаңалығы: Мәселені зерттеу барысында, ұсталық өнердің шығу тарихы, ұстаханалардың шығуы және Торғай өлкесінен шыққан ұсталардың өмір тарихын зерттеу мәселелеріне алғаш рет ғылыми тұрғыдан баға берілді. Сонымен қатар, Торғай өңірінің ұсталық өнер тарихына қатысты мәліметтер, жарияланған құжаттар жинақтары, ауызша деректер, баспасөз материалдары сарапталып, жинақталды және бүгінгі күн тұрғысынан сараланды. Зерттеуде көне Торғай өлкесінің тарихы Елбасымыз Н.Ә. Назарбаевтың қолға алуды ұсынған «ҰЛЫ ДАЛАНЫҢ ЖЕТІ ҚЫРЫ» атты мақаласы аясындағы «Ұлы даладағы ежелгі металлургия» бағытына сәйкес өзінің өміршеңдігін танытып, ұлттық мәңгілік рухани құндылықтарын ұрпақ санасында ұдайы жаңғыртып отыру мақсатында бүгінгі күнмен сабақтастығы жаңа ғылыми көзқарас биігінен бағаланды.
