Клаус Шваб Төртінші индустриялық революция
Саналы түрде қатысудың маңызы
жүктеу/скачать 4,97 Mb. Pdf көрінісі
|
Төртінші индустриялық революция (Клаус Шваб)
| Саналы
түрде қатысудың маңызы Сондай -ақ əңгіменің тек кадр резерві мен кəсіптік дағдылар жөнінде емес екенін қаперден шығармаған дұрыс. Технологиялар көптеген адамдар аңсап отырған тиімділікті арттырады. Бірақ адамдар өздерін процестің жай ғана бір бөлшегі емес, өздері иеленіп отырғаннан да маңызды тегершiк ретінде сезінгісі келеді. Карл Маркс мамандану процесі қызметкерді, əдетте жұмыстан іздейтін мəнді, лəззатты сезінуден айыратынын айтып, қынжылыс білдірген. Ал Бакминистер Фуллер шектен тыс мамандандыру «əмбебап мамандарды іздеу ниетінен айнытады жəне сол арқылы əмбебаптықтың жалпыға ортақ ұстанымдарын одан əрі жетілдірудің жолын кесетінін»ескерткен. Енді жоғары күрделілік пен гипермаманданудың астарласуымен бетпе- бет келген біздер, оған саналы түрде ұмтылу – басты мəселеге айналған кезеңге дөп келіп тұрмыз. Бұл, əсіресе, жұмысбастылығы өмірден мəн мен мазмұн іздеуге де мұрша бермейтін жас толқынға қатысты. Шекарасы жоғалып бара жатқан жəне құлшынысы құбылып тұрған əлемдегі адамдарды жұмыс пен жеке өмірлеріндегі тепе-теңдік қана емес , сонымен қоса олардың үйлесімді интеграциясы да қызықтырады. Келешекте оны үйлестіру мүмкіндігі баршаға ортақ болудан қала ма деп қауіптенемін . 3.2. Бизнес Барлық ұйымдарға міндетті түрде əсер ететін, өсу модельдеріндегі еңбек нарығы мен жұмыс болашағындағы өзгерістерден басқа, төртінші индустриялық революцияның негізінде жатқан технологиялар кəсіпорынды қалай жүргізу, ұйымдастыру жəне оны қаржыландыру ісіне де зор ықпал етеді. Бұл құбылыстың сипатты белгілерінің бірі – корпорация өмірінің орташа ұзақтығы, S&P 500 рейтингінде тіркелгендей , салыстырмалы түрде қарағанда 60 жылдан 18 жылға дейін қысқаруы. Жаңа ойыншылар үшін нарықта үстемдікке жəне табыстың қомақты көрсеткіштеріне жетудің тағы бір жолы – қажетті мерзімді қысқарту болып отыр. Миллиард долларды құрайтын жылдық табысқа қол жеткізу үшін Facebook-қа алты жыл, ал Google-ге бес жыл керек болды. Барлық жерде цифлық мүмкіндіктермен іске қосылатын жəне қамтамасыз етілетін жаңа технологиялар бизнестің өзгеру қарқыны мен ауқымын арттыратынына ешқандай күмəн жоқ. Бұл – менің жаһандық басшылармен, бизнес топ-менеджерлерімен жүргізетін дүниежүзілік ақпараттық ағындар, дүмпулер қарқыны мен инновациялық дамудың үдеуін болжаудың немесе алдын алудың мүмкін еместігі туралы əңгімелерімнің негізгі тақырыбын айқындай түседі. Олар үнемі тосын жаңалықтарымен қайран қалдырудан танбайды. Осы тұрғыда бизнестің табысты көшбасшыларының келесі буыны үздіксіз оқуы , бейімделуі, сондай-ақ өздерінің жеке концептуалды жəне түбегейлі жетістік нəтижелеріне əрқашан сын көзбен қарау қабілетімен ерекшеленіп отыруы керек. Осылайша , төртінші индустриялық революцияның бизнеске əсер етуінің маңызды міндеті – өзін жекеменшік ұйымның құрылымында да, бизнестің көшбасшысы ретінде де сезінуі өмірлік қажеттілікке айналады . Оқу мен өзгеруге деген ұмтылыс ұйымдастырушылық-көшбасшылық қабілетін көрсете алды ма? Прототиптерді қалыптастыру мен инвестициялық шешімдерді жылдам қабылдау тəжірибесі бар ма? Компания мəдениеті инновацияларды қабылдай ала ма жəне ондай жағдайда сəтсіздіктерге қалай төтеп береді? Менің айналамдағы барлық факторлар жылдамдық қарҚынының өсуін, ал өзгерістердің байыппен болатындығын ғана куəландыруда. Сондықтан ұйымның шапшаң жəне ұрымтал жұмыс істеу қабілетіне мейлінше сергек көзқарас қажет. жүктеу/скачать 4,97 Mb. Достарыңызбен бөлісу:
|