Орындалу тәртібі: Үш пробиркаға 5 тамшыдан концентрациялы азот, күкірт және тұз қышқылын құяды. Кейін, пробирканы 45 градус бұрышта енкейтіп, ақырындап пробирканың қабырғасымен (сұйықтық араласпастайтындай етіп) сол мөлшерде белок ерітіндісін қосады. Екі қабаттың шекарасында ақ түсті сақина тәрізді белок тұнбасы пайда болады. Ақырындап пробиркаларды сілкейді, күкірт пен тұз қышқылы бар пробиркаларда белоктың ерігенін, ал азот бар пробиркада белоктың ерімегенін көруге болады.
Іс-қимыл алгоритмі:
Нәтижені бағалау: Күкірт және тұз қышықылы бар пробиркаларда белоктардың ерігенін байқауға болады, азот қышықылы бар пробиркада белок ерімейді.
2.3. ОРГАНИКАЛЫҚ ҚЫШҚЫЛДАРМЕН ТҰНДЫРУ
Принципі: Үшхлорсірке қышқылы (ҮХС) тек ғана белоктарды тұндырады, ал сульфосалицил қышқылы белоктарды ғана емес, сондай ақ жоғарымолекулулы полипептидтерді де тұндырады. Сульфосалицил қышқылы (өте сезімтал ретінде) несеп құрамында белокты анықтауда кеңінен қолданылады.
Реактивтер: 1) жұмыртқа белогі, 1% ерітіндісі;
2) сульфосалицил қышқылы, 10% ерітіндісі ССҚ
3) үшхлор сірке қышқылы, 10% раствор ҮХС
