Қазіргі таңда когнитивтік революцияға көп көңіл бөлініп жүр. Атақты американ лингвисті Н.Хомский: «Когнитивтік революция – адам тәртібінің қалыптасуын сананың / мидың қызметіне қатысты болады. Когнитивтік қалыпқа: білімді, түсінікті, интерпретацияны, сенімділікті дұрыс қабылдау жатады».
Когнитивтік қызметтің нәтижесінде пайда болған мағына жүйесі жеке адамның әлемді тану, білу қызметтеріне қатысты болады. Адам символдарды қолданып, әлемді де, әлемде өзінөзі тану мүмкіндіктерін де саралай келіп, лингвистиканы жаңа қырынан көрсетеді. Ол адам мен қоғам арақатынасын игеру негізінде когнитивтік лингвистика ғылымының пайда болуына септігін тигізеді.
