Коммуникативті құзыреттілік–жеке мақсаттар мен қалаған нәтижеге қол жеткізу үшін өзара қатынастарды басқара білу іскерлегі мен әлеуметтік қатынастарды құра білу іскерлігі, сондай-ақ өзара түсіністік пен үйлесімділік құру. Осы компонентпен байланысты құзыреттер: көшбасшылық, өзгерістерді тиімді жүзеге асыра білу, жанжалдарды басқару, коммуникациялық ықпал ету, топ құра біліп оларды басқару қабілеті.
Коммуникативті құзыреттілік эмоционалды құзыреттілік пен эмоционалды интеллектінің маңызды бөлігі болып табылып, адамдар арсындағы өзара әрекеттің жетістікке жетуі мен тиімділігіне жауап беретіндіктен маңызды деп табылады.
Д. Гоулман бойынша 4 құзыреттілік саласы
Өзіндік сана - эмоционалды өзіндік сана (сезім мәдениеті)
- өзін-өзі бағалау (өзін-өзі қабылдау)
- өзіне сенімділік (қуаттың толықтығы - бұл психофизиологиялық параметр)
Өзін-өзі бақылау - эмоцияны тежеу (эмоцияны басқару)
- ашықтық (сәйкестік)
- бейімделу (жаңашыл)
- жеңіске деген ерік-жігер (қол жеткізу мотивациясы)
- бастамашылдық
- оптимизм (ойлаудың позитивтілігі)
Әлеуметтік сезімталдық - эмпатия (сезімтал)
- іскер хабардар болу (саясаткерлер)
- көмек (белсенді эмпатия)
Қатынастарды басқару - шабыт
- ықпал ету
- өзін-өзі жетілдіруге көмектесу
- өзгерістерге ашық болу
- жанжалды шешу
- топтық жұмыс және ынтымақтастық
Өзіндік сана. Эмоционалды өзіндік сана. Жоғары эмоционалды өзіндік сана-сезімі бар көшбасшылар өздерінің ішкі сезімдерін тыңдап және өзінің психологиялық жай-күйі мен жұмыс көрсеткіштеріне өз сезімдерінің әсерін саналы түрде сезіне біледі. Олар өздерінің негізгі құндылықтарына сезімтал және көбінесе инстинктивті түрде қиын жағдайда өзін-өзі ұстаудың оңтайлы әдісін таңдай алады. Көшбасшылар эмоционалды өзіндік санасы дамыған, көбінесе әділ және шыншыл, өз сезімдері туралы ашық айта алатын және өз идеалына сенетін адамдар.
