Табиғи антигеннiң молекула структурасы екi бөлiктен тұрады: бiрiншiсi антигенге спецификалық қасиет бередi, оны детерминантты топ немесе спецификалық фактор деп атайды, екiншiсi молекулярлық структура бөлшегi деп аталады, ол антигендiк тiтiркенудi тасымалдау функциясын атқарады. Детерминанттық топ пептид молекула тiзбегiн айналдырғанда пайда болады. Детерминант тобы спецификалық қасиетпен қатар белгiлi антителамен байланысу орнын анықтайды. Антигендер көп молекулалы, сондықтан да антителаның бiрнеше молекуласымен байланысады. Антиген молекуласындағы детерминанттар тобы антигендердiң валенттiлiгi деп аталады.
