Луи-Бар синдромы деп аталатын аутосомдар - рецессивтi комбинацияланған формадағы иммундық тапшылық Т- және В- иммундық жүйенiң функциясы бұзылуы салдарынан пайда болады. Ол жыныспен байланысқан (балалар ауырады) және белоктық алмасудың бұзылуынан пайда болады. Иммундық тапшылық тапшылықтағы адамдар қатерлi iсiк ауруымен көп ауырады.
Ағзада антигеннiң өте көп мөлшерi өндiрiлсе иммунологиялық паралич пайда болады. Бұндай жағдайда ағза иммунизацияның вакцинациялаушы дозасын қабылдамайды. Иммунологиялық паралич антиген мен антителаның байланысып ағзада ұзақ сақталып қалу салдарынан пайда болады деген жорамал бар. Осы жағдайда лимфоидты-макрофагальды система тежелiп қалады. Антителалар түзуге тамақтану, ионизациялық радиация, гормондардың продукциялануы, салқындау және ысу, интоксикация үлкен әсер етедi. Аштықта немесе белок толық қамтамасыз етiлмеген жағдайда антитела түзу төмендейдi. Организмнiң гиповитаминоз кезiнде антитела түзу нашарлайды. Инфекциялық ауруларға қарсы антителалардың пайда болуы аурудың алдыңғы кезеңiнде емдеу ретiнде антибиотик пайдалану әсерiнен төмендеп кетедi.
