Ерікті зейнетақы жарналарының мөлшерлемесі – жинақтаушы зейнетақы қорына төленетін, ерікті зейнетақы жарналар есебінен зейнетақымен қамсыздандыру туралы келісімшартта белгіленетін төлемнің мөлшері.
Ерікті зейнетақы жарналарының салымшысы –ерікті зейнетақы жарналары есебінен зейнетақымен қамсыздандыру туралы келісімшартқа сəйкес өзінің жеке қаражаты есебінен алушының пайдасына ерікті зейнетақы жарналарын жүзеге асыратын жеке немесе заңи тұлға.
Ерікті кəсіптік зейнетақы жарналары –Қазақстан Республикасының Үкіметі белгілейтін кəсіптер тізбесі бойынша жұмыскерлердің пайдасына Қазақстан Республикасы заңнамасында жəне ерікті кəсіптік зейнетақы жарналары есебінен зейнетақымен қамсыздандыру туралы келісімшартта белгіленген тəртіппен салымшылардың өз бастамасымен жинақтаушы зейнетақы қорларына салатын ақшасы.
Ерікті кəсіптік зейнетақы жарналарының салымшысы– ерікті кəсіп тік зейнетақы жарналары есебінен зейнетақымен қамсыздандыру туралы келісімшартқа сəйкес өзінің жеке қаражаты есебінен жұмыскердің пайдасына ерікті кəсіптік зейнетақы жарналарын салуды жүзеге асыратын жеке немесе заңи тұлға.
Еркін экономикалық аймақ –шетелдік жəне ұлттық кəсіпкерлер үшін ерекше жеңілдікті экономикалық жағдай қолданылатын ерікті экономикалық аймақ.
Есептеме әдісі – операциялар мен оқиғалар орын алған есепті кезеңдегі (ақшалай қаражаты мен олардың баламаларының нақты түсімі мен төлеміне байланысты емес) оларды жасау фактісі бойынша танылатын бухгалтерлік есеп әдісі.
Есепті қаржы жылы – жоспарлы кезеңнің ағымдағы қаржы жылының алдындағы жыл.
Ж Жалгерлік ақы – жалгерлік тəртібімен берілген мүлік үшін заттай, ақша не аралас нысандарда төленетін ақы.
Жалған кəсіпорын –Қазақстан Республикасы заңнамасына сəйкес кұрылуы жəне (немесе) оған басшылық етілуі соттың заңды күшіне енген үкімімен не қаулысымен жалған кəсіпкерлік деп танылған жеке кəсіпкерлік субъекті.
