Тізіпораудың партионды әдісінің мәні – партияны құрайтын,
матаның тоқылуына қажетті негізгі жіптердің жалпы санын, жеке
тізіпорау біліктеріне орау болып табылады. Мұндай әдісте тізіпорау
біліктеріне, тізбеорауыштың қалыптасуына қажетті негізгі жіптердің бір
бөлігі ғана оралады. Тізіпорау білігіндегі жіптердің саны 400 және одан
жоғары, ал партиядағы біліктердің саны 2-ден 16 аралығында болады.
Тізіпораудың партиялы әдісі өнімді болып табылады. Сондықтан
бұл әдісті мақта, зығыр және жүн тоқымашылығы өндірісінде, негізгі
жіптерді дайындау үшін кеңінен қолданылады. Ол сонымен қатар,
химиялық жіптерден және иірімжіптерден алынатын негіздерді
дайындауда және шұға тоқымашылығында да қолданылады.
