Абай Құнанбайұлының өмірі мен шығармашылығы, жүріп өткен жолы мен асыл мұрасы, өсиет-өнегесі – әрбір қазақ үшін баға жетпес қазына

Абайды қалай дәріптеп, насихаттасақ та жарасады. Оның ғибратты ғұмыры мен шынайы шығармашылығы – қазақ халқына ғана емес, жаһан жұртына да үлгі-өнеге. Абайдың адам мен қоғам, білім мен ғылым, дін мен дәстүр, табиғат пен қоршаған орта, мемлекет пен билік, тіл мен қарым-қатынас туралы айтқан ой-тұжырымдары ғасырлар өтсе де маңызын жоймайтынына кәсіл сенемін. Себебі ақынның асыл мұрасы – бүкіл адамзат баласының рухани азығы. Қазақ ұлты барда Абай есімі мәңгі асқақтай береді. Оның ғибратты сөздерін рухани байлығымыз ретінде жоғары бағаласақ, туған еліміздің әлем алдындағы абыройы арта берері сөзсіз.