Көрейін мен, мені дағы көрсін ол.
107
14. АЙТОЛДЫНЫҢ КҮНТУДЫ ЕЛІКТІҢ ҚЫЗМЕТІНЕ
(ҚҰЗЫРЫНА) КӨРІНУІ АЙТЫЛАДЫ
Кірді Айтолды тағзым етіп, көрінді,
Жүзін көріп ашылды Елік көңілі.
Сөз бастады, Елбасына жүгінді,
Сүйіндірді өзін, шырын тілінде.
Еліктің Айтолдыға сауалы
Елік: — Кімсің? Атың кім? — деп сұрады, —
Қайдан келдің? Қайда ендігі тұрағың?..
Айтолды енді сабырменен кеңесті,
Əр сөзінен, білсең, ақыл лебі есті.
585 Сабыр, ақыл — парасаттың белгісі,
Ақылсыз жан хайуанмен тең кісі.
Мұны меңзеп шəйір бəйіт қалдырған:
Ісің болса, саспа, баппен тындырғын!
Бастарда істі байыбына барып ал,
Асыққандар күйінер де, жаңылар.
Барлық істе саспа, сабыр қыл-дағы,
Сабыр тұтса, бектік құрар құл-дағы...
Достарыңызбен бөлісу: 
