Мейірімді, рахымды Алланың атымен бастаймын!
жүктеу/скачать 66,84 Kb.
|
рамазан күнделігі 2020
- Бұл бет үшін навигация:
- Оразаның негізгі шарттары
- Рамазан айының айрықша белгілері
- Оразаның пайдасы
- Оразаны не бұзбайды
- Оразаны не бұзады
- Оразаны кімдерге ұстамауға рұқсат
- Әйел кісілерге байланысты тәртіптер
- Құран оқығанның сауабы
- Рамазан – мырзалық пен мейірбан айы
|
Мейірімді, рахымды Алланың атымен бастаймын! Барлық мақтау мен мадақ Әлемдердің Раббысы Алла Тағалаға болсын! Жыл бойы күткен қасиетті Рамазан айына жеткенімізге Жаратқан Иемізге сансыз шүкірлік етеміз. Құран Кәрімде: «Ей, иман келтіргендер! Сендерден бұрынғыларға парыз етілгендей тақуалыққа жетулерің үшін ораза ұстау сендерге де парыз етілді» делінсе, тағы бір аятта: «Сендердің араларыңда кімде кім Рамазан айының туғанын көрсе, сол күні ораза ұстасын. Сырқат немесе жолаушыларға ораза айында ұстай алмаған күндерін басқа күндері ұстасын» (Бақара сүресі, 183-185 аяттар) делінген. Рамазан күнделігі (ұсынылатын әдебиеттер) Қадірлі бауырлар! Қасиетті Рамазан айы құтты болсын! Ұстаған оразаларыңыз, дұға-тілектеріңіз қабыл болғай! Рамазан айында жасаған игі істеріңіз сауаптан жазылып, Алла тағала елімізге, жерімізге берекесін, мол ризығын жаудырғай! Мұратымыз асыл, дұғамыз қабыл болсын! Материялды жинақтаған: @96tizi, Зинелова Тілектес Құрашқызы. Ақпараттар: ҚМДБ ресми сайттарынан. 2020 жыл Мазмұны: Оразаның негізгі шарттары ………………………………..3бет. Рамазан айының айрықша белгілері ………………………3бет. Оразаның пайдасы …………………………………………3бет. Оразаны не бұзбайды ………………………………………3бет. Оразаны не бұзады …………………………………………4бет. Оразаны кімдерге ұстамауға рұқсат……………………….4бет. Әйел кісілерге байланысты тәртіптер..................................5бет. Құран оқығанның сауабы. ....................................................5бет. Рамазан мырзалық пен мейірбан айы. .................................6бет. Намаз түрлері. ................................................................6бет. Хадис дегеніміз не?........................................................7бет. Рамазан айында жаттауға ұсынылатын хадистер........7бет. Аллаға зікір…………………………………………...13бет. Салауат ……………………………………………….14бет. Пайғамбарымызға салауат айтудың пайдалары. …..15бет. Алланың 99 көркем есімі ……………………………17бет. Оразаның негізгі шарттары: а) Әуелі Рамазан айының оразасын тұтуға ниет етіледі; Ниеті: «Ниет еттім қасиетті Рамазан айында ораза тұтуға, Алла Тағала қабыл етсін, Әмин!» делінеді. ә) Таң сәресінен күн батқанша оразаны бұзатын нәрселерден сақтану. Рамазан айының айрықша белгілері: а) Рамазан айында тозақтың есігі жабылып, жәннаттың қақпалары ашылады; ә) Бұл айда ораза ұстау – пенденің өткен күнәларының кешірілуіне себепші болады; б) Аллаһ тағала оразашының барлық ізгі ниеті мен тілегін қайтармайды. Оразаның пайдасы: в) Ораза ұстаушы Құдайшыл болады. Яғни Алла Тағаланы таниды; г) Өзін қиыншылықтарға төзуге және шыдамды болуға үйретеді; д) Аш-жалаңаш жүрген бейшараның көрген күнін бірге тартады; е) Өзіндегі шайтанның жолын тарылтады; ж) Оразаның денсаулыққа пайдасы мол. Оразаны не бұзбайды? – Ұмытып ішіп-жеу оразаны бұзбайды. Бірақ ұмытқан адам есіне түскен кезде жеуді дереу тоқтатуы керек; – Ұйқыдан жүніп болып ояну; – Әйелін сүю немесе денесіне қолын тигізуі. Мұндай жағдайларда егер мәни шықпаса, ораза бұзылмайды; – Әйеліне қолын тигізбесе де оған қараудан немесе шәһуәтын қоздыратын жағдайларды ойлап мәни шықса; – Түнде жүніп болып, ғұсыл алуды сәресі уақытынан кейінге қалдыру; – Аузына келген қақырықты жұту; – Түкірік немесе мұрынды тарту арқылы бір нәрсенің тамаққа кетуі; – Құлаққа су кіру, бұлық ағу; – Темекі түтіні немесе топырақ, шаң, ұнның тозаңы, қардың ұшқыны, жауынның тамшылары тамаққа еріксіз кірсе, ораза бұзылмайды; – Тістердің арасында қалған тамақ қалдықтары ноқаттан кішкене болса, оны жұту оразаны бұзбайды; – Еріксіз ауыз толы құсу немесе оның ішке қайта кетуі оразаны бұзбайды; – Қан алдыру немесе сүлік салдыру; – Көзге, құлаққа дәрі тамызу; – Мисуак немесе тіс пастасын қолдану оразаны бұзбайды. Бірақ пастасы ішке кетіп қалса бұзылады. Ең абзалы таң намазы кірмей тұрып тістерді жуу; – Тіс жұлдыру оразаға кедергі жасамайды. Бірақ жұлдырған уақытта ауыздағы қанды яки дәріні жұтпау шарт; – Ауыз бен мұрынға су алып шайқау оразаны бұзбайды. Бірақ тамаққа кетпеуін қадағалау қажет; – Душқа жуыну, теңізге, көлге түсу оразаны бұзбайды. Бірақ су жұтып қоюдан сақтануы керек. Ескерту: Білмей тамақ жеп қойған болса, оның оразасы ашылып кетпейді, яғни оразасын одан әрі жалғастырып тұта береді. Хадисте: «Кім де кім ораза екенін білместен ішіп-жеп қойса, Алла оның тамақтандырған болады» делінген. Оразаны не бұзады? – Әдейі бір нәрсені жеп-ішу; – Темекі шегу, насыбай ату, дәрі ішу, құрамында нәрлі заттары бар укол қабылдау; – Аузындағы жаңбыр тамшыларын әдейі жұту; Бұл жайлы мына хадисте айтылған: «Ораза кірген нәрселерден ғана бұзылады, шыққаннан емес». – Әйелімен жақындасу (яғни, таң намазынан ақшам намазына дейін жақындасу оразаны бұзады); – Cебепсіз қорек немесе қоректік қасиеті бар барлық заттарды біле тұра әдейілеп жеу оразаны бұзады; Мұндай жағдайларда каффарат оразасын ұстау қажет. (Каффарат деп – Рамазан айының оразасын себепсізден-себепсіз біле тұра бұзып жіберсе, екі ай ораза ұстауды, оған шамасы келмесе алпыс кедейді тамақтандырып, тойғызуды айтады). Оразаны кімдерге ұстамауға рұқсат? – Сапарлап шығу, (сапарда ауыз бекітпеуге болады, бірақ басқа күндерде санын толтырып ораза ұстайды). – Жүктілік пен бала емізу, (егер денсаулығы мен баласына зиян келуден қорықса ораза ұстамай кейін қазасын өтесе болады). – Ауру адамға, (сенімді дәрігер ораза денсаулығына зиян тигізетінін жан-жақты анықтап барып айтса, жазылған соң ұстауға болады). – Кәрілік келгенде; (қартайып оразаны денсаулығы көтермейтін кісілер бір кедейдің таңғы және кешкі асын беріп тойдырады. Оған шамасы келмесе тәубе етеді). Әйел кісілерге байланысты тәртіптер: а) Әйел кісіге етеккірден тазарып болмай ораза тұтуына болмайды. Өткен күндерін Рамазан айы өткеннен соң өтеп береді. ә) Аяғы ауыр немесе емізулі баласы бар әйел, егер өзіне немесе баласына зиян келер деп қорықса аузын ашуға хақылы. Бірақ кейін мезгілін тауып ұстайды. Олар оразаның орнына аш адамды тойдырудан азат етілген. Тарауих намазы ер мен әйелге бірдей сүннет мүәккада саналады. Тарауих намазы – мүбәрак Рамазан айының маңызды ғибадаттарының бірі. Пайғамбарымыз (с.ғ.с.): «Кім Рамазан айында тарауих намазын шын ықыласпен оқыса, оның өткен күнәлары кешіріледі»,– деген. Тарауих намазы Рамазан айы бойы құптан намазынан кейін үтір намазынан бұрын оқылады. Тарауих намазы жиырма рәкаттан тұрады, екі рәкаттан он рет ниет жасап оқиды. Тарауих намазын мешітте жамағатпен оқу абзал. Бірақ, үйде немесе басқа жерде жалғыз оқыса да болады. Сондай-ақ, Пайғамбарымыз хазреті Мұхаммед (с.ғ.с.): «Үш адамның дұғасын Алла Тағала кері қайтармайды. Ата-ананың перзенті үшін жасаған дұғасы. Ораза ұстаған адамның және жолаушының тілегі», – дейді. Құран оқығанның сауабы Алла Тағала айтқан: «Рамазан айында жер бетіне Құран түсірілген. Құран Кәрім кітабы адамдарға дұрыс жолды көрсету және ақ пен қараны айыру үшін жіберілген. Осы айда Құран оқып, ораза ұстасақ оның сауабы қиямет күні тозақ отынан арашалап шығады. Хадисте: «Ораза мен Құран пендеге қиямет күні араша түседі. Ораза айтады: «Ей, Жаратқан. Мен оны күндіз ішіп-жеуден тиып едім». Сонда Құран айтады: «Ия, Раббым. Мен оны түнде ұйқыдан қалдырып едім. Енді мен оны қорғаймын». Олардың арашасы қабылданады». Жалпы, Рамазан айында Құран, хадис кітаптарын оқып жүргеннің сауабы шексіз. Рамазан – мырзалық пен мейірбан айы Хадисте: «Кімде кім оразашыға қамқорлық етіп, ауыз аштырса, сол оразашы алғандай сауапты бұл да алады. Оның сауабынан еш нәрсе де кемімейді» делінген. Бұл айда әр адам өзінің қал-жағдайына қарап тұрмысы төмен азаматтарға қол ұшын берсе сауабы мол. Пайғамбарымыз (с.ғ.с.): «Үш нәрсе пайғамбарлық әдетке жатады. Ол: ауыз ашуды кешіктірмеу, сәресіні кешіктіру және намазда оң қолды сол қолдың үстіне қою» және «Алла Тағала және оның періштелері сәресі ішкендерге игілік тілейді» және бір хадисте «Сәресіні ішіңіздер! Өйткені сәресіде береке бар» деген. жүктеу/скачать 66,84 Kb. Достарыңызбен бөлісу:
|