1.Мектепке дейінгі ұйым тәрбиеленушілеріне салауатты өмір салтының қағидаларын,шынығу мен қозғалыстың
оңтайлы тәртібінің қажеттігін,қозғалмалы ойындардың мазмұны мен ойын барысында жағдаятқа сәйкес шешім
қабылдай алуын қадағалау.
2.Дене шынықтыру,шынығу тәсілдері мен күн тәртібін сақтай отырып денсаулық сақтау шарттарын ұйымдастыра
отырып,дене тәрбиесі жаттығуларын өз бетінше жасаудың білік пен дағдыларын меңгерту;дене шынықтыру
сабағын жүргізуде,ұйымдастырушылық қабілеттерін (өз бетінше ертеңгілік жаттығу жасай білуі;)дамыту.
3. Мектепке дейінгі ұйым педагогтарын қазіргі заманғы ғылыми –әдістемелік идеялары мен оқу процесінде
жаңа білім беру тәсілдерін дамыту.
Жобалық жоспар:
Шынықтыру-дегеніміз жылу реттеуші механизмдерді жаттықтыру және жетілдіру. Организмнің,температураның ауытқы мен тез өзгеріп отыратын климаттық факторларға бейімдеу қабілетін арттыру. Қолайсыз жағдайларға төзімділікті қалыптастыру. Шынығу дене тәрбиесінің құрамды бөлігі және балаларды салқын тию ауруларынан сақтандыратын сауықтыру шарасы. Табиғи факторлар теріге әсер ете отырып тамырды кеңейту, тартылу рефлекстеріне дамытады. Оларды жетілдіреді. Оларды қоршаған ортаның нақты жағдайларына ұқсастық дәрежесін арттырады. Шынығу барлық мүшелер системасының жұмысын жандандырады. Балалардың өсіп жетілуіне, организмнің жұқпалы және салқын тиіп ауруларына қарсы тұруына қолайлы әсер етеді. Шынықпаған организмде тамырдың кеңейту тартылу рефлекстері нашарлайды, қанның жүрісі баяулайды, ткандердің қорғаныс қызметі әлсірейді.
Шынықпаған бала салқын су ішсе, балмұздақ жесе, салқын жерде жалаңаяқ жүрсе, кеңсірек пен кеңірдектің клегейлі қабығындағы қантамырлардың қызметі нашарлайды. Организмнің жұқпалы микробтарға қарсы қорғаныс қызметі әлсірейді. Ол ауруға жол ашады. Шынығудың мақсаты сыртқы ортаның өзгеріп тұратын жағдайларына организмдердің бейімделу қабілетін арттыру. Шыныққан бала сирек аурады, ыстық пен суыққа төзімді, жарқын жүзді, тамаққа тәбеті жақсы. Жұмысқа ынталы келеді.
