Жүректің ортаңғы қабаты (миокард) өзара жарыса орналасқан көлденең жолақты ет талшықтарынан тұрады. Ет талшықтары түйіскен жерлерде қатар жатқан екі талшықты жалғастыратын дискілер (мембрананың жуандау жері) болады. Талшықтардың дискілер арқылы беттескен жерін нексус деп атайды. Нексустер арқылы миокардта қозу өте тез жайылады, сондықтан әр ет талшығы жеке қозып, жеке жиырылмайды, топтасып жиырылады, яғни жүрек еті функциялық синцитий ретінде қызмет етеді.
