МұхаММед (с а л л а л л а һ у а л ә й һ и у ә с әл л ә м ) 3 Аударған: Ғалымбек Тобашев
жүктеу/скачать 1,98 Mb. Pdf көрінісі
|
Жүрек төрінен орын алған 3 том
| Ислам әскері Тәбүкте
Ертесі күні Тәбүкке жеткенде, бұлақтардың жа- нында екі әскердің тұрғанын көрді. Пайғамбарымыз (саллаллаһу аләйһи уә сәлләм) екеуіне: – Бұлақтардың суына қол тигізген жоқсыңдар ма? – деп сұрады. Олар бірақ алып ішкендерін айтты. Бұл жағдай Пайғамбарымыздың ашуын тудырды. Өйткені сонша ескертуді елемегендері дұрыс болмаған еді. Осындай жағдайларда тағы да сондай қателік жасамауы үшін екеуіне ұрысты. Бұлақтардың суы құрғап қалыпты. Біреуінен азғантай ғана су шығып жатты. Елшілер сұлтаны Пайғамбарымыз (саллаллаһу аләйһи уә сәлләм) аз-аздап судың үстінен алып, әуелі оны бір торсықтың ішіне жинады. Содан кейін одан алып бетін қолын жуып, аузын шайғаннан кейін артылып қалғанын бұлақтың ішіне құйды. Сөйтті де Раббына қол жайып дұға етті. Торсықтағы суды бұлаққа құяр құймас, бұлақ бұрқылдап атқақтай бастады. Намаздан кейін елдің көз алдында тағы бір мұғжиза байқалды. Аллаһ расулы сол күні сахабаларына ұзақ хұтба оқыды. Жақсылық пен жамандық арасындағы көп 372 Жүрек төрінен орын алған теңдессіз тұлға Мұхаммед (с.а.с.) тақырыптарды қозғады. Адамдарға кездесуі мүмкін мәселелерде ескертулер жасады. Қауіпсіздік үшін Аббад ибн Бишрды тағайындап, жанына бір топ адам берді. Түн қараңғылығы орнағанда, арт жақтан тәкбір дауыстарын естіген хазірет Аббад таяп келіп: – Уа, расулаллаһ, – деді. – Жоқ сен бізден басқа қарауылдар да тағайындап па едің? Түннің бір уақытында арт жақтардан тәкбір дауыстарына естігендей болдық. – Жоқ, ешкімді тағайындаған емеспін, – деді Расулаллаһ (саллаллаһу аләйһи уә сәлләм) . – Алайда мұсылмандардың кейбірі бұны өз қалауларымен жасаған болуы мүмкін. Бұл әңгімеге куә болған Силкан ибн Сәләма алға шығып: – Уа, расулаллаһ, біз он кісі атымызға мініп түнде арт жақтарды қарауылдауға бардық. Мәселе тағы да пайғамбарымыздың топшылағанындай болып шықты. Жақсылықта бір- бірімен жарысып жүрген жандарға іле былай деді: – Дін жолында қарауылдаған жандарға Аллаһ рақымымен қарасын. Сендер үшін өздерің қарауылдаған адам я жануар санындай бір қират 140 сый бар. Тәбүкте болған кезде бір иудей әйел мұсылмандарға сыр әкеліп берді. Пышақпен сырды бөлген Пайғамбарымыз бисмилла деп барып, сахабаларына берді, өзі де одан жеді. 140 Қират: зергерлік бұйымдарды өлшеу үшін қолданылатын 0,20 гр. салмағындағы өлшем. |