МұхаММед (с а л л а л л а һ у а л ә й һ и у ә с әл л ә м ) 3 Аударған: Ғалымбек Тобашев
жүктеу/скачать 1,98 Mb. Pdf көрінісі
|
| Бағыну және келісім-шарт
Әр қамал бағындырылғаннан кейін қолға көптеген тұтқындар мен көл-көсір олжа түсті. Алайда, соғысқандар әлі де берілмеді. Жиі-жиі соғыстар болып жатқан кезеңде Ғаззал деген біреу қамалдың бірінен шығып, пайғамбарымыздың жанына барды. Біраз мәлімет беретінін айтып, отбасын сақтап қалуды сұрады: – Уа, Әбул Қасым! Сен бұл қамалды бір ай қоршауға алсаң да ол жерді ала алмайсың, оның ішіне кіре алмайсың. Олардың жер астында су арналары бар, түнде солардан су алады. Сосын қамалдарын паналап, сенен қорғанады, егер сен осы су жолдарын бөгейтін болсаң, міне олар сонда ғана сусыз қалып, қиналады. Пайғамбарымыз (саллаллаһу алейһи уәссәлләм) одан бұрынғылар секілді Ғаззалға да бас амандығын беретінін айтып, оның берген мәліметтері бойынша сахабаларын жіберіп, хайбарлықтардың су жолын кесті. Шынында да нәтиже Ғаззалдың айтқанындай болып шықты. Олар сумен байланыстарының үзілгенін көріп қатты састы. Өйткені, бұл олардың өмірмен бай- ланысын үзу деген сөз еді. 177 Даулы Хайбар мәселесі Осы арада расулаллаһтың бұйрығымен оқ ататын сақпан да қолданыла бастады. Хайбарлықтардың өздері жасаған бұл құрал енді олардың өздеріне тас жаудыр- ды. Осы арада пайғамбарымызға да бір оқ тиіп, киіміне қадалды. Расулаллаһ осы мезет жерден бір уыс құм алып, хайбарлықтарға қарай шашты. Соның әсерімен хайбарлықтар жер сілкінгендей жерге құлай бастады. Ватих және Сүлалим қамалдары да қоршауға алынып, хайбарлықтар толығымен алынған соң енді құритындарын түсініп, берілуге шешім қабылдады. Кинана ибн Хуқайқ Шаммах деген бір адамын жіберіп, пайғамбарымызбен сөйлескісі келетінін білдірді. Пайғамбарымыз оның бұл ұсынысын қабылдады. Содан Кинана қасына бір адамды алып, пайғамбарымызға барды. Түрлері жабығулы болатын. Жандарын сақтап қалғылары келіп, сондықтан да пайғамбарымызбен бір келісім жасауды ұсынды. Осыншама қиындықтармен қамалдарын бағын- дырған Аллаһ расулы (саллаллаһу алейһи уәссәлләм) бұл ұсынысты да қабылдап, олармен келісім-шарт жасасты. Бұл келісім-шарт бойынша: Қамалдарда соғысқан яхудилердің қаны төгілмейді. Яхудилердің бала-шағалары өздеріне қалдырылады, Хайбардан және Хайбар жерінен бала- ларымен бірге кетулеріне рұқсат беріледі. Кетерлерінде бір мініске жүк болатындай мөлшерде ғана жүк әкете алады, барлық мүліктері, әскери құрал-саймандары (үстеріндегіні қоспағанда) қамалдағы маталары мұсылмандарға қалдырылады. Расулаллаһқа қалдырылуы керек еш нәрсе жасы- рылмайды, жасырмақ болғандар қорғалмайды. 178 Жүрек төрінен орын алған теңдессіз тұлға Мұхаммед (с.а.с.) Әсіресе, жетекшілері болған Кинана ибн Әбул Хуқайқ бұл баптарға бағынатыны туралы ант берді. Олардың мінезін жақсы білетін Аллаһ расулы (саллаллаһу алейһи уәссәлләм) : – Егер сендер олжаларды маған тапсырмай, жасы- рып қалатын болсаңдар, онда Аллаһ пен расулының қорғауынан мақұрым қаласыңдар, – деп тағы да ескертті. Мұны нәтижесін білсе де оларды құтқару үшін ескерту деп те атауға болатын. Сонымен қатар, сол күні басты-басты мәселелер бойынша жаңа үкімдер берілді, осыған орай енді есектің еті желінбейді, бөлістірілмей тұрғанда олжа заттарға қол тигізілмейді, жыртқыш ұрғашы аңның еті харам болады және тұтқынға түскен әйелдерге тиюге болмайды. жүктеу/скачать 1,98 Mb. Достарыңызбен бөлісу:
|