Мұхтар Шаханов Желтоқсан алаңы
жүктеу/скачать 26,58 Kb.
|
Өлеңдер
- Бұл бет үшін навигация:
- Гүлнар Салықбай
- Жұматай Жақыпбаев
| Қасым Аманжолов
Мен табиғат бөбегі Мен табиғат бөбегі, Еркін жанмын еркемін; Аузымда жастық өлеңі, Еркелеп күйім шертемін. Жарқ-жұрқ етіп жүруді Найзағайдан үйренгем, Шадыман шат боп күлуді Күн мен айдан үйренгем. Тәкаппарлық, ерлікті Асқар таудан үйренгем; Мен бір жанмын ерікті, Жарысып желмен жүгірген. Ашу, қайғы дегенді Қара бұлттан үйрендім; Өз еркімше сілтемей Қашан ғана имендім?! Жас Көңіл Жаз көңіл жарқылдаған бұл бір шағым, Жаныма дарытпаймын дүние шаңын. Әніммен қарсы аламын әрбір күнді, Жайғандай ерке нәзік жар құшағын. Жаз көңіл жігіт болдық той бастаған, Құрбыға зейіні бар ой тастаған. Жас өмір жайлауында шіркін көңіл Бәйгіден күнде келіп ойқастаған. Желпимін жанымды бір осындайда, Үңілер жүрегіме досым қайда? Кездесіп көңілімнің күнгейінде, Әніме асыл құрбым қосылмай ма?! Гүлнар Салықбай Нұр-жауынның толастамай легі Шу қалада қандай қызық адасу! Қараңғыда жарық төгер реңі Қандай қызық телефонмен жарасу! Жолыққандай қыс ішінен бір көктем, Қараңғыда қағаз бенен қаламсыз, Қандай қызық телефонға сыр төккен Ағыл-тегіл, алаңсыз... Аспан түстес алақандай тақтаға Әппақ жолдар тізіледі табанда. Рақмет, жыр жазуға шақ қана Телефонды ойлап тапқан адамға! Құлан-таза жазылғандай қотырдан, Оған бақыт әкелгендей бұл ай сәл Телефонға өлең жазып отырған Біреу көрсең, хал-жағдайын сұрай сал... Жұматай Жақыпбаев Шығармай жүрдім бір де естен, Ұмытып ұйқы-күлкіні, Бір рет қана тілдескен Бейнеңді сенің күн-түні. Қай жұмыс мейлі істесем, Қуат боп жүрдің көңілге. Көзіме менің түспесең, Не көрдім дер ем өмірде?! Тәңірім талай түске енген, Тентек те қылдың ақылды. Ақындық жолға түскенде ем, Жыр қылып сұлу атыңды. Сұлулық – талант, жанымның Қонған-ды саған дарыны, Өспірім менің шағымның Өшпеген жалғыз жалыны. жүктеу/скачать 26,58 Kb. Достарыңызбен бөлісу:
|