Мұхтар Шаханов Желтоқсан алаңы
жүктеу/скачать 26,58 Kb.
|
Өлеңдер
- Бұл бет үшін навигация:
- Мұқағали Мақатаев Сүйеді екем
|
Мұхтар Шаханов Желтоқсан алаңы Сәл аялдап, тағзым етпей бұл алаңнан өтпеңдер... Желтоқсанда ызғырықтан тітіркеніп көк пен бел, Бұл жер, қалқам, асқақ рух жарылысы өткен жер, Қайта оянған ұлт намысы қызыл қанға бөккен жер, Ерте есейген ару қызды шаштан сүйреп, тепкен жер, Жатты мұнда естен танып күзге айналған көктемдер... Алаң шетін қоршап тұрған шыршаларға ала көк, Жас бүлдіршін, сезіміңді жанар етіп қарап өт. Сол арадан сатқындықта елестейді қара бет, Қара беттің көбі бүгін дара тұлға, дара бет. Жас бүлдіршін, мұз құрсанған шыршаларға қарап өт, Заманыңның жеңісі мен жеңілісін санап өт. Ұлттың бағы жанар ма екен хас тұлпары, нары жоқ, Ал, біреулер намысы жоқ, жігер, қауқар, қары жоқ, Кемсітпекші "желтоқсанның жалаң аяқтары" деп. Жоқ!!! Кешегі сын сағатта көкірегінде жанып от, Тұрған солар аяз сорған қызыл беттің ары боп, Дәуірінің тауығына шашылмаған тары боп. Тірліктегі әр ісіңнің жаңғырығы болады Бұл табиғи жасырын заң өзгеріссіз қалады, Сол заңға сай сені бақыт, не сор іздеп табады. ... Дүниені дүр сілкінткен жас толқынның саналы Даңқын ешкім, ешкім бүркей алмас. Оны да еске салады Желтоқсанның бас алаңы, қайсар рух алаңы. Мұқағали Мақатаев Сүйеді екем Сүйеді екем, сүйеді екем сені мен, Артық көріп көктемнің лебінен. Сен туралы жырлайды екен құс біткен, Махаббатты алып ұшып көгімен. Жеңіл ғана сенің аяқ басқаның, Ұқсамайды жүрісіне басқаның. Сенің жайлап үн шығармай күлгенің , Ұқсамайды күлкісіне басқаның. Сенің көзің қарада емес, көк те емес, Ол бір ғажап жарқыраған отты елес. Сенсіз жерде жыр туындап кеудемде, Сенсіз жерде қызыл Гүл де көктемес. Сен өзіңсің , сен сезімсің мендегі, Күмбірлетіп жіберетін кеудені. Домбыраның құлақ күйін келтіріп, Шерітпегенің , тартпағаның жөн бе еді. Көп жүріппіз, жетер жолда аз қапты, Баяғыдай құлпыртыпты жаз бақты. Үнсіз ғана қоштасып ек екеуміз, Үнсіз қайта табысуға жазбапты жүктеу/скачать 26,58 Kb. Достарыңызбен бөлісу:
|